Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

11/09/2022

IX arrinca'l fin d'una llexislatura 'fallida' esixendo la defensa de lo público'

Ovidio Zapico, al pie d’Henar Moreno, d'IX Federal y vicepresidenta del Parlamentu de La Rioxa, reprocha la inercia de los últimos años frente a la que plantega sumar fuerces con una "convocatoria per Asturies"

José Manuel Zapico anuncia una seronda caliente: o xuben salariu o va haber un conflictu, siguíu, contundente mientres estos meses"

Izquierda Xunida anunció güei, nel actu d'entamu del cursu políticu, que la defensa de lo público va ser la guía de la so política nes próximes cites parlamentaries, pero, tamién, no que resta de llexislatura. El diputáu y coordinador xeneral, Ovidio Zapico, esplicó que la formación prepárase tamién pa llanzar una "Convocatoria per Asturies" que, al igual que nel oriente y l'occidente de la Comunidá, sía capaz de sumar fuerces d'organizaciones y colectivos "distintos" anque non "distantes". Zapico llamentó qu'estos trés últimos años nun sirvieren pa romper col inmovilismu de la política asturiana de los últimos años, hasta'l puntu de nomar la llexislatura de "fallida": "prometiósenos que diba ser la llexislatura del tresformamientu y a la fin tuvimos na llexislatura de la inercia".

Sía que non, el líder d'IX amosó la so disposición a cooperar pa llograr un presupuestu afayadizu p’Asturies, eso sí, esclarió, con una premisa básica: "la defensa de lo público. Tien d'haber alcuerdos en redol a tolo que tien que ver con materia social, en materia sanitario, en materia tamién educativo; tien qu'haber un impulsu estratéxicu pa la nuesa industria y tien qu'haber unos principios fiscales bien claros que dexen sufragar tolo anterior y, nesi marcu, vamos movenos nos útlimos meses".

Lo qu'asoceda nes próximes selmanes y meses nun va ser ayeno al nuevu ciclu que se va abrir en mayu de 2023. Nesti sentíu, Ovidio Zapico recordó que la so formación yá empecipió va meses un procesu pa xunir fuerces progresistes que va siguir nes próximes selmanes coles mires de sumar a "tou aquel que quiera forma parte d'una nueva ferramienta que tien de ser tresformadora y que tien d'aspirar tamién a Gobernar Asturies".

L'arranque del cursu políticu d'IX materializóse nun actu en Grau onde participaron cargos públicos y orgánicos de la formación n'Asturies, al que se sumaron la vicepresidenta del Parlamentu de La Rioxa y miembru de la Coordinadora d'IX Federal, Henar Moreno, y el secretariu xeneral de Comisiones Obreres d'Asturies (CC OO), José Manuel Zapico.

Moreno, quixo manifestar el sofitu d'IX Federal a la IX d’Asturies que, aseguró, ta "como siempres, ta al pie del cañón" y coles mires de "fortalecer" entá más la presencia d'IX na Comunidá no que va ser una pieza fundamental "el nuesu exércitu municipal".

Al respective de les próximes elecciones autonómiques y municipales, Henar Moreno recordó qu'IX, como heredera del PCE, tien claro que lo importante ye "sumar". Nesti sentíu, señaló que ye daqué que tamién representa a la fueya de ruta de Yolanda Díaz. "Vamos Sumar y yo creo que'l proyectu de Yolanda, el proyectu que nun ye de Yolanda, como ella dicía tamién, ye'l proyectu de la xente, tamién va tener el so reflexu equí: lo de menos, sabenlo toos, son les sigles; lo de más ye tar onde la xente demande". Asina, la responsable federal d'IX tiró del lema d’IX Asturies: "vamos tar onde vós queráis que teamos".

Seronda caliente

L'arranque políticu va ser tamién sindical y social. Asina, el secretariu xeneral de CC OO alvirtió de los riesgos que s'acurren sobro la población xeneral nos próximos meses, en forma de xubíes de les enerxíes, pero tamién de l'alimentación o los costos financieros, con una xuba media de 120 euros al mes nes hipoteques. "La situación ye insostenible; xubieron los precios cuatro vegaes más que los salarios y, dende Comisiones Obreres tiénenlo claro: o xuben los salarios o va haber un conflictu, siguíu, contundente mientres estos meses pa revertir la situación porque los y les trabayadores nun podemos pagar esta crisis que nun xeneremos y, amás, hai qu'esixir a la patronal que sía responsable, que tenga altor de mires, que tenga visión d'Estáu. Ser patriota nun ye llevar una pulsera na mano con una bandera o envolubrase nesa bandera sinón que ye xubir impuestos y salarios".

Pa Zapico, les dificultaes pa la mayoría tienen combatise "atopando" precios si ye necesario y alloñase de les polítiques d'Isabel Díaz Ayuso, onde se perdonen miles de millones d'euros a los más ricos.

Volver

Compartir

2014 Izquierda Xunida d'Asturies - Política de privacidad - Política de cookies