Menu

La vocera d'Izquierda Xunida critica l'encamientos del Ministeriu de d'Esteriores a les muyeres que vaigan a Qatar y denuncia la hipocresía política que dexó que'l Mundial allugásese nun país que nun respeta los derechos femeninos

La vocera d'Izquierda Xunida Asturies na Xunta Xeneral, Angela Vallina, pidió güei un pactu d'Estáu” pa lluchar contra la violencia escontra les muyeres y reivindicó la necesidá d'escluyir esta lacra del enfrentamientu políticu de los partíos democráticos. Poco antes del actu institucional del 25N, que se desenvuelve nestos momentos en Nava, la diputada aseguró que'l refugu a la violencia machista nun puede amenorgase a una sola xornada de reivindicación, sinón que tien de caltenese los 365 díes del añu. “Esto tien que sacase fora de lo que ye ese guirigay políticu que tamos viendo últimamente, estos enfrentamientos, estos alderiques que son populistes y qu'amás ye, prácticamente, negar la violencia: tenemos que faer un pactu de verdá d'Estáu de los partíos democráticos onde se ponga llendes a un problema que yá paez que ye estructural“.

Angela Vallina calificó de denigrante l'encamientu del Ministeriu d'Asuntos Esteriores pa les muyeres que viaxen a Qatar: “Esto si fuera de verdá, de verdá, una llucha contra esa violencia y a favor de los derechos de les muyeres nun taríamos viendo l'espectáculu que tamos viendo agora d'un Mundial nun país onde les muyeres son trataes prácticamente al altor de too menos de ser humanu. Nun puede tenese tanta hipocresía na política, esto merez tomase en serio y de verdá faer un pactu pa frenar daqué que yá ta resultando insostenible”.