Menu

Ovidio Zapico, va apellar al Conseyu de Gobiernu nel próximu plenu, énte l'anunciu de los parques marinos que punxo en pie de guerra al sector pesqueru

Izquierda Xunida va plantegar nel próximu Gobiernu d'Asturies una moratoria en parques eólicos, tantu terrestres como marinos, hasta que se realice una planificación ordenada. El diputáu y candidatu de la formación a la presidencia d'Asturies, Ovidio Zapico, anunció güei que va apelar al Conseyu de Gobiernu na siguiente sesión plenaria por qu'esplique tolo relativo a la instalación de molinos de vientu pa la xeneración eléctrica nes mariñes asturianes, que'l so anunciu punxo en pies de guerra al sector pesqueru asturianu.

“Dende'l futuru gobiernu d'Asturies, vamos establecer una moratoria pa los eólicos y vamos realizar la planificación que mientres estos cuatro años, el gobiernu de Barbón nun quixo realizar”, avanzó Zapico.

El parllamentariu sollertó de que’l “boom eólicu“ nun cesa n'Asturies: “failo dende una ausencia total de planificación”, aseguró, ensin tener en cuenta efectos negativos pal mediu ambiente o actividaes tradicionales como ye'l casu de la pesca“.

Ovidio Zapico aportunó en qu'Izquierda Xunida sofita la xeneración d'enerxía de forma sostenible. Eso sí, esclariáu, “anovables, sí, pero non asina”.