Menu

Más allá de les duldes, Ovidio Zapico destaca que s'incorporen planteamientos d'IX, como l'adaptación o cambéu del puestu de trabayu por cuestiones de salú

Izquierda Xunida va sofitar la llei de Función Pública que güei se presentó na Xunta Xeneral. El respaldu nun ye, sicasí, entusiasta: "vamos sumanos tamién a esti esfuerzu por actualizar l'Alministración Pública. Quiciabes vaya a ser un sí ensin abondu entusiasmu, pero va ser un sí", alvertía'l diputáu y coordinador xeneral de la formación mientres la so intervención nel Plenu. Más allá de les duldes, esplicó, "vamos votar sí a esti proyectu, ente otres coses, porque vimos incorporaes al testu final munches de les nueses propuestes, munches de les nueses enmiendes que plantegáramos a lo llargo de la tramitación".

Y nun son cuestiones menores, señaló Zapico, pos incorpórense dientro del Catálogu de Derechos Individuales derechos como a l'adaptación o cambéu de puestu de trabayu por motivos de salú, el derechu al teletrabayu o pol caltenimientu del Cuerpu Auxiliar Alministrativu.

A última hora, concluyó'l parllamentariu, "contribuyimos a ameyorar un testu que, ensin dulda, ye importante pa garantizar una Alministración Pública dotada de los meyores y de los meyores profesionales qu'actúen movíos pol principiu del interés xeneral al serviciu de la ciudadanía d'Asturies".