Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Ovidio Zapico remarca'l papel 'clave' d'IX na Variante de Payares que la so inauguración dexa al ferrocarril asturianu del sieglu XX pa 'enfusar con fuerza' nel XXI

El coordinador xeneral califica la entrada en serviciu d'esta infraestructura de "día históricu", pero ensin perder de vista como "próximu oxetivu ferroviariu" la meyora de les cercaníes como elementu básicu pa la vertebración territorial, encarar el retu demográficu y la llucha contra'l cambéu climáticu.

El coordinador xeneral d'IX Asturies y Conseyeru d'Ordenación del Territoriu, Urbanismu, Vivienda y Derechos Ciudadanos, Ovidio Zapico, remarcó güei esti papel clave d'Izquierda Xunida nel llargu procesu pa la conexón ferroviaria d'Asturies col pandu al traviés de la Variante de Payares, una infraestructura que, al so xuiciu, nun taría güei inaugurándose si nun fuera pola iniciativa y enfotu de la formación que tiró d'esti proyectu inclusive cuando bona parte de los grupos parlamentarios considerarala innecesaria. Ello ye que recordó, les iniciatives parlamentaries n'Asturies y en Madrid formen parte yá d'una intrahistoria d'un proyectu que vien poner fin a décades d'aislamientu. Eso sí, el dirixente alvirtió qu'esti importante proyectu nun puede faer perder de vista otros, como la meyora de les cercaníes ferroviaries, dientro del marcu d'un nuevu modelu territorial, demográficu y medioambiental: "Güei ye un día importante, hestóricu, p'Asturies cola entrada en serviciu de la Variante de Payares. Yo toi especialmente arguyosu del papel qu'en tolo que tuvo que ver con esta obra tuvo Izquierda Xunida. Fuimos perseverantes n'iniciatives parlamentaries tantu n'Asturies, na Xunta Xeneral, como nel Congresu de los Diputaos, en Madrid, que, ensin dulda, contribuyeron, fixeron posible qu'a lo último güei, les nueses infraestructures ferroviaries dexen pa tras el sieglu XIX y enfusen con fuerza nel sieglu XX".

 

Sía que non, Zapico destacó esi compromisu históricu d'IX que cualquier pue constatar na Variante de Payares, pero tamién no que güei ye'l Principáu: "yá lo dixi en dalguna ocasión, l'Asturies que conocemos, l'Asturies de los servicios públicos calidables, la de les prestaciones sociales, tamién la de les infraestructures o la de la capacidá industrial, nun s'entenderíen ensin Izquierda Xunida. A última hora, un gran día d'una obra de la que nos sentimos en parte protagonistes, pero que nun nos fai perder de vista'l nuesu próximu oxetivu ferroviariu, que ye la meyora de la rede de cercaníes como elementu básicu pa la vertebración territorial de la nuesa Comunidá, pa encarar el retu democráticu y como ferramienta clave na llucha contra'l cambéu climáticu nel marcu d'un tresporte sostenible".

Volver

Compartir

2014 Izquierda Xunida d'Asturies - Política de privacidad - Política de cookies