Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

30/01/2024
Desde la izquierda, Ana Andrés, presidenta de CODOPA; Juan Ponte, director de Agenda 2030; y Ana Suárez, secretaria técnica de CODOPA.

Juan Ponte anuncia'l sofitu a les ONGs na promoción d'una campaña contra los discursos d'odiu

El director xeneral d'Axenda 2030 comprometese con CODOPA a collaborar nun alcuentru de coordinadores de cooperación al desenvolvimientu pa lluchar pola defensa de los derechos humanos nes polítiques públiques

L'Executivu autonómicu, al traviés de la Dirección Xeneral d'Axenda 2030, comprometióse esta mañana cola Coordinadora de ONGD del Principáu d'Asturies a collaborar nuna campaña que'l so oxetivu ye lluchar contra los discursos d'odiu.

El director d'Axenda 2030, Juan Ponte, anunciábalo asina en calteniendo un alcuentru con Ana Andrés Ablanedo, presidenta de CODOPA, y con otres representantes de la citada organización. L'oxetivu de la xunta yera estudiar posibles víes de collaboración pa llograr la consecución de los Oxetivos de Desenvolvimientu Sostenible (ODS).

Ponte esplicó qu'una de les idees ye llanzar una campaña na que participen distintos colectivos ya instituciones públiques pa concenciar al sector de la cooperación, los movimientos sociales, los y les profesionales de los medios de comunicación, y la sociedá asturiana polo xeneral.

Esta campaña contribuyiría a la consecución de los ODS 16 (paz, xusticia ya instituciones sólides) y 17 (aliances pa llograr el desenvolvimientu sostenible). “Si nun hai condiciones materiales d'esistencia pa poder desenvolver una vida digna, la consecución de los oxetivos ye imposible. Para ello, la paz, la xusticia y la creación d'instituciones sólides ye imprescindible (ODS 16)”, aseguró.

La Dirección d'Axenda 2030 tamién va collaborar económicamente na decimonovena edición del Alcuentru de la Rede de Coordinadores Autonómiques de Cooperación al Desenvolvimientu, que la so celebración ta prevista pal próximu mes d'ochobre n'Uviéu y Xixón. Esti eventu, que se va desenvolver per primer vegada n'Asturies, va ser un escenariu clave pa promover la defensa de los derechos humanos nes polítiques públiques, amás de tar amestáu col llogru de los citaos ODS 16 y 17.

La CODOPA ye una plataforma que lleva más de 25 años n'activu y que, dende la so nacencia, trabaya p’algamar los mesmos oxetivos que na actualidá vienen marcaos pola Axenda 2030.

Volver

Compartir

2014 Izquierda Xunida d'Asturies - Política de privacidad - Política de cookies