Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

06/02/2024

Xabel Vegas cree que nun Gobiernu de Coalición ye necesariu un diálogu “muncho más fluyíu”

El voceru de Convocatoria por Asturies reconoz que yera una “anomalía” que Cultura escareciera de rangu de conseyería, pero pregunta si la nueva macroconseyería ye la meyor vía pa resolvela

El voceru parlamentariu de Convocatoria por Asturies, Xabel Vegas, desplicó güei que los cambeos nel executivu d'Adrián Barbón, ye “una remodelación de la parte socialista del Gobiernu, na que Convocatoria por Asturies nun tuvo participación”. Ye más, el parllamentariu amosóse convencíu qu'una decisión d'esti tipu riquiera d'adoptase d'otra manera con mayor fluidez na comunicación interna del propiu gobiernu.

El diputáu señaló tar “a la espera” pa dir valorando “pasu ente pasu” les actuaciones de la nueva “macroconseyería”.

Más allá d'otres considerancies, Xabel Vegas, deseyó a la nueva Conseyera, Vanessa Guiérrez, “el meyor de los desempeños” que'l so perfil calificó de “bien sanu” p'asumir esa xera de Gobiernu.

Tocantes a la remodelación, aportunó en qu'el so grupu nun tuvo participación na mesma y reprochó la so unilateralidá: “creemos que nun Gobiernu de coalición hai que cuntar colos socios, ye necesario cuntar colos socios y ye necesario tener un diálogu muncho más fluyíu ente los socios del Gobiernu”.

Tocantes a la reorganización, cola fusión d'árees de xestión, Xabel Vegas reconoció qu'esistía una “anomalía” nel fechu de que Cultura y Política Llingüística y nun tuvieren rangu de conseyería. “Yera un problema, inclusive equí, pa la Cámara, pa la Xunta Xeneral, porque nun tenía Cultura. Creo que ye bona cosa que Cultura sía a la fin una conseyería”. Eso sí, preguntóse si la so inclusión nuna macroconseyería ye “la meyor manera de facelo”, al fundise con unes árees tan desemeyaes.

Volver

Compartir

2014 Izquierda Xunida d'Asturies - Política de privacidad - Política de cookies