Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

06/02/2024

Ovidio Zapico desvela que búsquense fórmules pa compensar a propietarios afectaos pola paralización de los desahucios por vulnerabilidá

El conseyeru d'Ordenación de Territoriu, Urbanismu, Vivienda y Derechos Ciudadanos, qu'amuesa la so esmolición pola situación d'estos arrendadores, señala qu'el so departamentu estudia alternatives “técniques y xurídiques” p'adelantrar pagos.

El conseyeru d'Ordenación de Territoriu, Urbanismu, Vivienda y Derechos Ciudadanos, Ovidio Zapico, anunció esta mañana énte'l Plenu de la Xunta Xeneral del Principáu qu'el so departamentu estudia les posibilidaes técniques y xurídiques” p'adelantrar les compensaciones a los propietarios y arrendadores afectaos pola paralización de los desahucios por razones de vulnerabilidá. 

Zapico esplicó énte la Cámara autonómica que'l Real 11/2020 de 31 marzu estableció la suspensión de los procedimientos de desahucios y d'alzamientos pa llares vulnerables que nun tuvieren una alternativa habitacional; decretu que va tar vixente hasta siquier el próximu 31 d'avientu. 

Un decretu posterior, de xunu del añu 2021, matizó'l conseyeru, establez  les compensaciones a propietarios y arrendadores afectaos pol decretu inicial, “pero somos conscientes de que nun van percibir eses ayudes hasta dempués del 31 d'avientu del 2024 y ye daqué que nos esmolez y que queremos, na midida de les nueses posibilidaes y les nueses competencies, ayudar a desaniciar”.

Nesti sentíu, esplicó que la Dirección Xeneral de Vivienda valora “establecer un sistema bien de pagos parciales, bien d'anticipos a cuentes de la compensación a propietarios y arrendadores”.

Volver

Compartir

2014 Izquierda Xunida d'Asturies - Política de privacidad - Política de cookies