Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

29/04/2024

Ovidio Zapico sollerta del riesgu de involución n'España: “los golpes d'Estáu yá nun son como en 1981, con guardies civiles y tanques”

El coordinador xeneral d'IX defendió la continuidá'l gobiernu progresista d'España como un parapetu contra los intentos de derecha y ultraderecha d'algamar el poder que nun llogren nes urnes

 

Zapico llama a encarar les Europees na “meyor de les disposiciones” a pesar de les duldes sobro SUMAR

El coordinador xeneral d’IX Asturies, Ovidio Zapico, sollertó güei del riesgu de involución nel país: “los golpes d'Estáu yá nun son como en 1981, con guardies civiles entrando nel Congresu y saliendo tanques en dalguna ciudá d'España; los golpes d'Estáu agora, los riesgos de involución agora vienen determinaos pelos medios de comunicación de la estrema derecha y de la derecha que, desgraciadamente, en munches ocasiones, atopen nes primeres instancies xudiciales el marcu xurídicu necesariu pa empecipiar procesos infames que dempués queden en nada”.

Na so intervención na la xunta preparatoria de cara a la próxima Asamblea Federal na que se va escoyer la nueva dirección nacional, el máximu responsable de IU Asturies, recordó qu'el lawfare yá tuvo un impactu importante na esquierda, daqué qu'hai ejemplificado nel procesu que sufrió la que fuera vicepresidenta en Valencia por Compromís, Mónica Oltra, a quien arreyaron nun procesu xudicial que finalmente se demostró falsu. “Lo que ta pasando estos díes esixe contundencia, primero, pa defender esti Gobiernu d'unidá progresista que tenemos n'España, pero, dempués, tamién  y sobremanera, pol conxuntu de la ciudadanía que se considere demócrata pa nun consentir que se sala cola suya esa derecha y esa estrema derecha que nun saben cómo van conquistar el poder n'España, porque poles urnes nun son capaces de faelo”.

Les inestabilidá prodúcense, amás, nun contestu políticu marcáu por procesos electorales, como l'européu que, reconoció Zapico, “tenemos qu'encarar cola meyor de les disposiciones, sabiendo que tenemos munches duldes sobro lo que va tener que ser el futuru de Sumar, sabémoslo, y ye un alderique que vamos tener que desenvolver una vegada lo procesos electorales remataren. Too eso sabese, pero tamién sabemos que, nesti momentu, nesti contestu, si nun somos capaces de trabayar xuntos en procesos electorales otros sí lo van a faer y les resultancies suelen ser perxudiciales pa la clase trabayadora, pa la xente vulnerable, p'aquellos a los que dicimos que representamos”.

Sía que non, esa capacidá pa texer aliances ye necesaria. Asina, señaló los frutos que ta dando'l gobiernu “d'unidá progresista” d'España que ta sirviendo de parapetu frente a la “involución” que la estrema derecha y la derecha pretenden traer al país. Tamién n'Asturies, con un gobiernu igualmente d'unidá progresista y con vocación reformista, añedió, empezó a afigurar los cambeos.

Nel núcleu económicu del Gobiernu d'Asturies

“Tenemos una Conseyería na que, yo creo, tamos tocando na llaga d'aquello que mientres munchos meses opinábamos: poder entrar nel Gobiernu pa llegar al núcleu económicu del mesmu, pa poder ser determinantes énte decisiones que creemos trescendentales por que n’Asturies mande'l so Gobiernu y nun manden les multinacionales. Esa ye la batalla última que tamos xugando agora, que podemos ver nos medios de comunicación”.

Esa capacidá de tresformamientu dende'l Gobiernu, siguió'l coordinador xeneral, ta dexando meyores en política de vivienda. “Ayeri anunciábamos la inminente llicitación aprobada yá en Conseyu de Gobiernu de 250 pisos n'arriendu algamadizu preferentemente pa menores de 35 años, equí en Xixón y otros 44 en Llugones (Siero). Tenemos qu'empezar a intervenir nel mercáu de la vivienda”

Asamblea Federal: unidá

Ovidio Zapico quixo recordar que güei IX cumple 38 años de vida y el meyor regalo, dixo, “ye la unidá: xuntos y xuntes en procesos unitarios ante esta situación que tamos travesando antóxense más indispensables que nunca”.

El coordinador xeneral d’IX Asturies defendió la necesidá de trabayar pola unidá pa “ser más fuertes” y pa poder encarar meyor el futuru de la esquierda alternativa y respuesta a les necesidaes de la clase trabayadora.

Y, enfatizó, “siempres na llucha, siempres na brega”.

IX ye una fuerza que tien presente y munchu futuru.

L'oxetivu, esplicó Zapico, ye averase a esi ideal de futuru d'homes y muyeres llibres ya iguales en derechos y obligaciones. Y pa ello, siguió, “IX ye la meyor ferramienta pa faer esi camín”.

Volver

Compartir

2014 Izquierda Xunida d'Asturies - Política de privacidad - Política de cookies