Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

13/05/2024
Asistentes a la reuda de prensa posan detrás de una pacarta de apoyo a Palestina

Vegas, Braña y Tomé sofiten a Javier Arjona énte les amenaces pol so activismu en defensa del pueblu palestín frente a la masacre israelina

Javier Arjona y Ana Calleja aseguren que van siguir denunciando'l xenocidiu en Gaza pese al intentu d'amedranalos

Los diputaos Xabel Vegas, Jacinto Braña y Cuadonga Tomé, de los grupos Convocatoria por Asturies, PSOE y Mistu, xunió güei fuerces en sofitu del activista Javier Arjona y cu compañera, Ana Calleja, amenaciaos al traviés d'una carta suscrita pol autodenomináu Movimientu Pro Israelín Español, en respuesta a les sos crítiques a la masacre israelina en Gaza y la defensa de los derechos del pueblu palestín. Nuna rueda conxunta, el voceru de Convocatoria quixo amosar la so "total solidaridá, non yá con Ana y con Javier, sinón con tolos activistes polos derechos humanos d'esta causa de la causa palestina y otres munches causes que se tán dando nel mundu". Pa Vegues, ye intolerable que los activistes reciban amenaces. Sía que non, el diputáu quixo amosar, "una vegada más" el sofitu del so grupu al pueblu palestina frente al xenocidiu" que ta perpetando l'Estáu d'Israel, al qu'acusó d'incumplir "non solo la lexislación internacional, sinón los más elementales principios éticos nun conflictu internacional".

Les amenaces, esplicó Javier Arjona, nun van faer que camude la so posición al respective de la denuncia de la masacre israelina, nin, tampoco, van torgar que caltenga'l so activismu contra la vulneración siguida de los derechos humanos na franxa de Gaza. Otra manera, l'únicu efectu que tuvo la carta foi'l d'una respuesta de solidaridá que-yos fixo sentise "enchíos", y "apavoriaos", pero non por medrana sinón pol gran arrope recibíu al traviés de "tanto mensaxe, tanta llamada, dende'l xueves que se fixo la denuncia énte la Policía de Siero".

Los participantes en la rueda de prensa posan en las escaleras de la Junta General del Principado

Javier Arjona, bien conocíu pola so actividá en Soldepaz-Pachakuti y na plataforma Asturies con Palestina, amosóse confiáu en que se vaya abrir una investigación pa tratar d'esclariar quién ta detrás, realmente, de la carta. Nesti sentíu, esplicó que "posiblemente" habrá una entrevista cola Delegada del Gobiernu, Delia Losa, pa encetar estos fechos y que nun se quede, tan solo, na denuncia na Comisaría de Siero.

Más allá d'estes amenaces, Javier Arjona pidió que se siga colo "elemental", avanzando más allá y poniendo nel focu d'atención lo que realmente importa, como lo ye la situación de Palestina. "lo elemental ye que tenemos esta selmana equí dos profesores gazatíes, n'Asturies, mañana y pasao, inclusive equí, nel Parlamentu, pero eso yá ye cosa de los nuesos acompañantes, Xabel, Covadonga y Jacinto, a los qu'estimamos, en concencia, este arrope;  que'l miércoles ye'l día de la Nakba, 76 años d'aquel desastre, que diz la hestoria que yá empezara antes". Amás, llamó a la máxima participación na manifestación convocada pal próximu domingu en Xixón. Nesti sentíu, l'activista destacó que la convocatoria ta impulsada por una plataforma unitaria", daqué que nun asocede en toles comunidaes autónomes y que, al so xuiciu, hai que resaltar.

Los asistentes a la rueda de prensa durante la misma

Ana Calleja rellató que la carta recibida na so casa dirixíase, en primer términu, contra'l so compañeru, pero con referencies esplícites a la so persona. Ello ye que na misiva, los autores aseguraben que los teníen "xixilaos". L'oxetivu, esplicó, amedranalos por que dexen de "sofitar al pueblu palestín". Eso sí, adelantró, nun ta ente los sos planes dar un pasu tras. "Ye daqué que nun vamos faer; creemos que les persones dignes tienen que tar na cai, tienen que defender que se pare esti xenocidiu y la parte grave ye eso, cómo se ve acaldía la masacre"..

L'amenaza nun consiguió l'oxetivu d'amedranar a los dos activistes qu'anuncien que van siguir nel so defensa de los derechos del pueblu palestín.

Jacinto Braña, del grupu socialista, amosó'l so sofitu con Arjona y Calleja, y con tolos activistes que s'asitien na denuncia de la vulneración del derechu humanitariu "allá en tolos conflictos qu'afaren el mundu y, bien n'especial, nel que nos ocupa güei que ye'l conflictu en Palestina".

Pela so parte, Tomé señaló la necesidá d'asitiase frente a esti tipu d'amenaces.

Volver

Compartir

2014 Izquierda Xunida d'Asturies - Política de privacidad - Política de cookies