Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

15/05/2024
Delia Campomanes hablando en la Junta General del Príncipado de Asturias

La xunta aprueba la Proposición pa modificar la Llei de Montes, a iniciativa de Convocatoria por Asturies y PSOE

Delia Campomanes esplica que l'oxetivu ye prevenir les catástrofes pol fueu y garantizar paisaxes "vivos, diversos, resistentes y resilientes"

El Plenu de la Xunta Xeneral aprobó güei la Proposición de Llei de cambéu en materia de quemes forestales de la Llei del Principáu d'Asturies de Montes y Ordenación Forestal, presentada conxuntamente polos grupos Convocatoria por Asturies y Socialista. La diputada Delia Campomanes xustificó la iniciativa na necesidá d'afaer la norma asturiana al marcu estatal, apocayá modificáu. Los oxetivos d'esti cambéu, señaló la parllamentaria, son, ente otros, dar respuesta a les nueves necesidaes del mundu rural, por cuenta de la progresiva perda de población colos consiguientes cambeos nos usos y xestión del territoriu, y a los retos del cambéu climáticu y la so derivada que se constata nes quemes de sesta xeneración, especialmente bederres. Los cambeos afecten a los distintos ámbitos nos que tien d'actuase en materia de quemes forestales: prevención y estinción , caltenimientu y restauración de los terrenes forestales. Al pie de ello, tamién s'ameyoren les condiciones, períodos y zones nos que podría autorizase "siempres d'una manera bien restrictiva", l'usu de fueu nel monte pa prevenir quemes, y modifícase el réxime sancionador p'afaelo a estos cambeos.

A última hora, concluyó Delia Campomanes, "tratase d'una llei que pretende prevenir esti tipu de catástrofes y garantizar paisaxes vivos, diversos, resistentes y resilientes".

Volver

Compartir

2014 Izquierda Xunida d'Asturies - Política de privacidad - Política de cookies