Menu

Según estes informaciones l'alcuerdu alcanzáu cola Real Federación Española de Fútbol equival a la prima más alta de toles selecciones, per delantre del equipu d'Arxentina (520.000), la selección inglesa (470.000), l'alemana (250.000) o la brasileña (200.000). Les primes alcordaes, según estes fontes, triplicaría les percibíes polos xugadores españoles na Eurocopa de 2008, que xubieron a 215.000 euros de forma individual.

Distintos medios de comunicación informaron güei de que cada xugador de la selección española de fútbol va recibir 600.000 euros en primo si l'equipu gana'l Mundial de Fútbol que se va celebrar esti mes en Suráfrica. Según estes informaciones l'alcuerdu alcanzáu cola Real Federación Española de Fútbol equival a la prima más alta de toles selecciones, per delantre del equipu d'Arxentina (520.000), la selección inglesa (470.000), l'alemana (250.000) o la brasileña (200.000). Les primes alcordaes, según estes fontes, triplicaría les percibíes polos xugadores españoles na Eurocopa de 2008, que xubieron a 215.000 euros de forma individual.

Antes de conocese güei esta confirmación, el voceru parlamentariu d'Izquierda Xunida, Gaspar Llamazares, rexistró yá nel Congresu'l pasáu 31 de mayu una entruga dirixida al Gobiernu na qu'entruga al Executivu sobre si “¿Piensa proponer dalguna midida limitadora d'estes primes, directamente o al traviés del Conseyu Superior de Deportes, en cumplimientu de la so función de control y fiscalización de la Real Federación Española de Fútbol?”.

Na so introducción a la entruga, Llamazares esplicaba que “paez que los futbolistes de la selección española de fútbol, en casu de ganar el Campeonatu del Mundu, recibiríen una prima de 550.000 euros cada unu”. El diputáu remanaba esta cifra inicial, que paez qu'agora se ve inclusive superada, basándose en datos anteriores sobre que la Federación Española de Fútbol tenía acutada una partida de 14 millones d'euros pa les primes del Mundial, poles que fadría una primer ufierta a el xugadores pola que cobraríen esos 550.000 euros per cabeza en casu de ganar el Mundial, amás del doble pal seleccionador.

El parllamentariu d'IX completa la so iniciativa parlamentaria pescudando del Executivu “¿Qué opinión-y merez la magnitú de les primes alcordaes con el xugadores de la selección española de fútbol, especialmente nel casu de que ganaren el Campeonatu Mundial, nun contestu xeneral de crisis económica, conxelación de pensiones y amenorgamientu del sueldu de los funcionarios”.