Menu

IX d'Asturies amuesa'l so sofitu al Colectivu de Persones Transexuales que reivindiquen que la transexualidá nun seya considerada una patoloxía. Mañana, sábadu 17 d'ochobre, IX d'Asturies sofitará la concentración convocada por Xega, a les 19 hores delantre del Teatru Campoamor, n’Uviéu, manifestación convocada pola Rede Internacional de Despatoloxzación Trans que se desenolla en 38 ciudaes d'Europa, América de la Norte y Asia en sofitu a la campaña "Alto a la Patoloxización Trans".

IX d'Asturies amuesa'l so sofitu al Colectivu de Persones Transexuales que reivindiquen que la transexualidá nun seya considerada una patoloxía. Mañana, sábadu 17 d'ochobre, IX d'Asturies sofitará la concentración convocada por Xega, a les 19 hores delantre del Teatru Campoamor, n’Uviéu, manifestación convocada pola Rede Internacional de Despatoloxzación Trans que se desenolla en 38 ciudaes d'Europa, América de la Norte y Asia en sofitu a la campaña "Alto a la Patoloxización Trans".

IX d'Asturies recuerda que nel nuesu país esiste una Llei d'Identidá de Xéneru qu’entra en conflictu con siguir considerando la transexualidá una enfermedá incluyida nos catálogos de diagnósticos internacionales (DSM IV y CIE 10) y que siguir con esta consideranza fomenta actitúes tresfóbicas. IX d'Asturies considera que la despatoloxización de la transexualidá ye "imprescindible pa la plena reconocencia de los derechos de ciudadanía de persones transexuales".

La transexualidá atópase clasificada nos manuales internacionales d'enfermedaes: El CIE-10 (Clasificación internacional d'enfermedaes de la Organización Mundial de la Salú -OMS-) y el DSM-IV-R (Manual diagnósticu y estadísticu d'enfermedaes mentales de l'Asociación de Psiquiatría Americana -APA-). Estes clasificaciones son les que determinen los cambeos na llista de les enfermedaes de la OMS y suponen, polo tanto, a los y les psiquiatres de tol mundu nel momentu de facer el so diagnósticu. IX, como asegura Xega nel so manifiestu, creye que la patoloxización de la transexualidá embaxo'l "trestornu d'identidá sexual" ye un gravísimu exerciciu de control y normalización.