Menu

Estrasburgu, 16 setiembre 2009 

El plenu del Parllamentu européu reescoyó güei con un 53% d’apoyu a. Barroso como Presidente de la Comisión europea. 

Estrasburgu, 16 setiembre 2009 

El plenu del Parllamentu européu reescoyó güei con un 53% d’apoyu a. Barroso como Presidente de la Comisión europea. 

Pal eurodiputáu d’Izquierda Xunida Willy Meyer, "El Sr. Barroso -únicu superviviente de la semeya de les Azores- ye responsable de la situación actual de crisis financiera, económica, alimentaria y ecolóxica na que ta  somorgiada Europa". 

"Hasta’l momentu -continuó Meyer-, naide reconoció’l so error, sion que’l Sr. Barroso echa la culpa a los Estaos Xuníos. Hasta agora la Comisión intentó construyir Europa con polítiques de privatización y de desmantelamientu del Estáu Social. Aprobaron la Estratexa de Lisboa, que preveía pa xineru de 2010 un crecimientu económicu del 3% y la creación de 20 millones d’emplegos. A la lluz ta’l fracasu d’esta Estratexa, alcontrámosnos nuna situación con cifers de paru non conocíes n’Europa dende 1930."  

"A pesar d’ello, el Sr. Barroso propónse renovar esta Estratexa y continuar con estes polítiques que son les causantes de la crisis. Pero esta crisis nun ye una pandemia, sinon que ye’l resultáu d’una apueste por una política concreta, la mantenida pola Comisión europea" -declaró Meyer. 

"Nel so programa de política esterior falta la referencia al Sah.ara o Palestina, non sólo nun apaecen como les sos prioridaes, sinon que la UE planea otorga-y l’Estatutu avanzáu al Reinu de Marruecos, y un "upgrading" de les rellaciones col Estáu d’Israel"- esplicó Meyer. 

"Por esti motivu’l nuesu grupu votó en contra y sorpréndenos que parte de los eurodiputaos socialistes españoles y portugueses dieren el so apoyu a Barroso, rompiendo la disciplina de votu del so grupu européu. Zapatero yá lo anunció en campaña electoral y eso ye lo que fizo agora al votar a Barroso. Esti fechu alármanos de cara a la próxima Presidencia española, puesto que se plantega una presidencia española continuista coles polítiques que mos llevaron a la crisis, y ensin intención de cambiar la Estratexa de Lisboa por un Pactu pola Estabilidá y el plenu emplegu".