Menu

Izquierda Xunida d’Uviéu-Los Verdes esixe al Ayuntamientu y en concretu a Mª Jesús Rodríguez, conceyala-delegada de Coordinación d’Alcaldíes de barriu, Participación Social y Asociaciones qu’entame a aplicase ensin más retrasu’l Reglamentu de Participación Ciudadana del Ayuntamientu d’Uviéu.

Izquierda Xunida d’Uviéu-Los Verdes esixe al Ayuntamientu y en concretu a Mª Jesús Rodríguez, conceyala-delegada de Coordinación d’Alcaldíes de barriu, Participación Social y Asociaciones qu’entame a aplicase ensin más retrasu’l Reglamentu de Participación Ciudadana del Ayuntamientu d’Uviéu.

El voceru d’IX d’Uviéu, Adolfo Saro, denuncia l’aptitú y el xuegu suciu de Mª Jesús Rodríguez que sólo busca enredar y enfrentar a les asociaciones de vecinos d’Uviéu . Paez qu’una vegada más l’Ayuntamientu lloñe de facilitar la participación ciudadana se dedica a persiguir al texíu social qu’escapa a les sos redes clientelares. P’Adolfo Saro “ye una verdadera vergoña que lloñe de buscar soluciones a les demandes y a les denuncies que delles asociaciones de vecinos, con una trayectoria de munchos años de trabayu nos sos barrios, presentaron, l’Ayuntamientu pretenda que les asociaciones de vecinos seyan una mera rede clientelar que tresllade los intereses partidistes ensin representar los de los vecinos”.

Tamos una vegada más énte un grave problema de falta d’actitú democrática nel equipu de gobiernu. Uviéu necesita que s’establezan d’una vegada calces de participación ciudadana directa nel Ayuntamientu, al marxe de redes clientelares de los partíos políticos. Que s’aplique con seriedá la Llei de Grandes Ciudaes que contempla ente otres midíes la creación de Conseyos de Distritu y non la so versión caricaturizada de dos Conseyos, el d’urbanu y el de rural. Que se creen Comisiones de la Muyer, Social, Empléu y que les que se crearon como Mediu Ambiente, y nun funcionaron nunca -yá que sólo aconceyó una vegada pa la so constitución funcionen de fechu.

Pa Izquierda Xunida d’Uviéu-Los Verdes nun se pue despreciar -desacreditando a les asociaciones de vecinos tachándoles de ser meros instrumentos de ciertos partíos políticos-, denuncies tan graves ya incontestables como’l qu’heba responsables de delles asociaciones de vecinos, con nome y apellíos, que nun fueren recibíos n’años por Gabino de Lorenzo. Nun se pue negar tampoco que De Lorenzo nun tuvo en consideración nin una sola de les alegaciones que la Federación d’Asociaciones de Vecinos presentó por rexistru pa la ellaboración de los presupuestos municipales pa esti añu 2009. Tampoco nun ye de recibu que nun se tomare en consideración la opinión de les asociaciones vecinales na selección de los proyectos a financiar colos fondos del llamáu Plan Zapatero.