Menu

El Coordinador d'IX acusa al Gobiernu de Rajoy de xenerar paru y probeza

Manuel González Orvíz, Coordinador d'IX d'Asturies, sostien que la Encuesta de Población Activa vuelve ufiertar una radiografía tráxica d'España: unu de cada cuatro españoles ta en paru, unu de cada cinco nel casu asturianu o unu de cada dos nel casu de los mozos de la nuesa comunidá autónoma. Estos datos demuestren que ye necesariu caltener les prestaciones públiques p'amparar a les families frente a los mercaos, “xusto lo contrariu que fai'l Gobiernu de Rajoy”, sostien Orviz. “Los retayos de Rajoy tán dexando como únicu recursu la rede de sofitu familiar, especialmente nes Cuenques”, aseguró'l Coordinador Xeneral d'IX mientres la so visita a Moreda pa participar na campaña 'Llamamientu pa una Rebelión Democrática'.

El Gobiernu de los retayos, el qu'estroza l'Estáu del Bienestar, nun puede abellugase nos grandes marcos d'analisis macroeconómicos y mentantu siguir xenerando paru y probeza, esplica'l Coordinador d'IX. Nesti sentíu recuerda que xorrez el paru y tamién la probeza. Nesti trimestre otros 9.3000 llares, y yá son1.737.600, tienen a tolos sos miembros en paru y la Rede d'Europea contra la Probeza y Esclusión Social cifra en 12 millones el españoles nesta situación, ye dicir unu de cada cinco españoles ye probe.

Los retayos y les tisoriaes a toles prestaciones emponen a la xente al únicu paragües de la rede familiar, piensa Orviz. “La socialización de les pensiones de los güelos nun puede ser l'únicu auxiliu nun momentu en que'l Gobiernu viejo acabante disminuyir la cuantía de la prestación del paru, retrasar l'accesu a los mayores de 45 y 52 años, desmantelar la Llei de la Dependencia y retayar les partíes de polítiques sociales en toles alministraciones”, alvierte Orviz.