Menu

Esta resolución aprobóse con 352 votos a favor y dos abstenciones. Nes últimes elecciones autonómiques los asturianos y asturianes respaldaron colos sos votos la esperiencia de gobiernu compartíu de la Izquierda plural de l'anterior llexislatura. Respetuosos con esa voluntá, a mediaos de xunu de 2007, sentámonos a dialogar cola FSA que foi quien, de forma unillateral y al traviés d'un ultimátum, decidió dar por rotes les negociaciones dempués de dos selmanes d'alcuentros. El Presidente Areces configuró entós un Gobiernu monocolor, que vieno desarrollando la so actividá política con notable estabilidá a lo llargo d'esti tiempu, d'alcuerdu colos alcuerdos que foi alcanzando na Xunta Xeneral del Principáu col Partíu Popular.

Esta resolución aprobóse con 352 votos a favor y dos abstenciones. Nes últimes elecciones autonómiques los asturianos y asturianes respaldaron colos sos votos la esperiencia de gobiernu compartíu de la Izquierda plural de l'anterior llexislatura. Respetuosos con esa voluntá, a mediaos de xunu de 2007, sentámonos a dialogar cola FSA que foi quien, de forma unillateral y al traviés d'un ultimátum, decidió dar por rotes les negociaciones dempués de dos selmanes d'alcuentros. El Presidente Areces configuró entós un Gobiernu monocolor, que vieno desarrollando la so actividá política con notable estabilidá a lo llargo d'esti tiempu, d'alcuerdu colos alcuerdos que foi alcanzando na Xunta Xeneral del Principáu col Partíu Popular.

Trescurríu un añu, la dirección de la FSA formuló de nuevu una ufierta y, a pesar, de que lo más cómodo y menos arriesgao pa IX-BA-LV fuere responder que lo que construyeren cómodamente cola drecha xenerare un clima de confrontación con nós difícilmente salvable, conscientes de la realidá económica que vive Asturies, aceptamos volver a intentalo. Namás punximos sobre la mesa un oxetivu y un condicionante que se deriva d'ésti: que les consecuencies de la crisis nun les paguen los trabayadores y los sectores más desfavorecíos, ye dicir, los de siempres, los que pagaron la crisis de finales de los setenta, la de mediaos de los ochenta y la de los inicios de los noventa. Y el condicionante: que resulta imprescindible cambiar les polítiques que significaron la privatización de servicios, la destrucción d'empléu públicu, les ayues económiques a quien nun les necesita, la baxada d'impuestos que dexen a les Alministraciones ensin recursos pal gastu social o l'incrementu del preciu de la vivienda protexida pa favorecer a los constructores.

L'alternativa qu'Asturies necesita pasa porque'l Gobiernu se comprometa colos servicios públicos xestionaos públicamente; col empléu, col condicionamientu de les ayudes a los empresarios a que dean más estabilidad a los trabayadores y reduzan la siniestralidá llaboral; cola construcción de viviendes sociales, l'impulsu al alquiler y les ayudes al pagu d'hipoteques; cola inversión en servicios sociales, la suba nel númberu de places de residencies pa mayores y y persones dependientes; cola meyora de la sanidá pública, col aumentu de comedores escolares y ayudes pal so costu, con una rede pública de 0-3 años con más ufierta y la reordenación de la rede de centros; con un desenrrollu caltenible basáu nuna estratexa asturiana contra'l cambiu climáticu, les midíes d'aforru enerxéticu y de consumu d'agua, y la definición d'un plan de xestión de residuos basáu na reducción, recoyida selectiva y reciclaxe; cola aplicación de la Llei d'Usu y promoción de la Llingua Asturiana, l'adaptación de les toponimies y la promoción del usu nos medios de comunicación de titularidá pública.

Pa desenrrollar estes polítiques necesítase un Presupuestu pa 2009 que contenga les partíes necesaries, dende'l respetu a l'austeridá y la reordenación del gastu primando lo prioritario: satisfacer les necesidaes de los asturianos y asturianes énte la crisis sacrificando lo superfluo. La mayoría d'estes propuestes fueron les bases que sirvieron pa consensuar distintes resoluciones col grupu parllamentariu socialista va menos d'un mes nel últimu Debate d'Orientación Política y deben ser les que permitan avanzar nel diálogu ente les fuercies de la izquierda.

Güei reiteramos la nuestra voluntá de diálogu, de compromisu y de responsabilidá y emplazamos a la FSA a convertir en fechos el compromisu espresáu ayeri en rueda de prensa polos sos dirixentes de superar cualesquier dificultá que pueda esistir pa la coincidencia y la so disponibilidá de falar de too. Les bases sociales que dicimos querer representar les fuercies polítiques de la izquierda necesiten un alcuerdu que-yos garantice seguridaes énte un presente y un futuru inciertu no económico.

Naide nun tien drechu a frustrar les espectatives y esperances que, énte la posibilidá del alcuerdu, se xeneraron na sociedá asturiana. Y que pa evitar esa frustración ye imprescindible la llealtá, la que punximos en tou esti procesu y, lexítimamente, esiximos a la otra parte