Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

La operación de General Elorza anuncia el modelu Areces - De Lorenzo para El Cristo

Izquierda Xunida d'Uviéu nun comparte que los espacios de la cai General Elorza, onde taben ubicaes les Conseyeríes de Salú y de Bientar, se destínen a vivienda llibre. “Reclamamos que nestos espacios haya equipamientos públicos pa un barruo que los necesita y los demanda y, si ye necesario, dalguna vivienda protexía. En nengún casu' barriu necesita vivienda llibre. Los únicos que necesiten vivienda llibre son Areces y De Lorenzo apuraos pola necesidá d'alcontrar financiación pa los sos respectivos sobrecostes”, considera Alejandro Suárez, Coordinador d'IX d'Uviéu. “La operación de General Elorza anunciamos lo que se va pactar nes reuniones alredor del futuru de El Cristo: dos homes y un destín pa Uviéu, el de la especulación urbanística. Areces pasó de los sos deseos de gobernar cola sociedá a gobernar con De Lorenzo desoyendo a los colectivos ciudadanos.” afirmó'l coordinador d'IX d'Uviéu, Alejandro Suárez.

El Conseyu Políticu escueye los muérganos de dirección d'IX d'Asturies

Tres l'Asamblea d'IX d'Asturies na que se escoyó un nuevu Conseyu Políticu y al Coordinador Xeneral, güei aconceyó'l Conseyu Políticu para escoyer los miembros de la Presidencia Colexada. Dempués d'esta reunión, a la Presidencia d'IX d'Asturies incorpórense los representantes de siete municipios: L.lena, Casu, Degaña, Grau, Corvera, Ayer y Riosa, amás de los seis alcaldes de la coalición. La nueva Presidencia ta integrada por un total de 44 persones, demientres l'anterior yera de 38. La lista foi aprobada por 80 votos a favor, nengún en contra y dos abstenciones.

Areces debería tomase más en serio la concertación

“La concertación social nunca nun foi daqué realmente prioritariu p'Areces. Siempre la abordó con escasu entusiasmu. Comprobámolo na anterior llexisllatura y tornamos a constatalo agora. Areces pretendió instrumentalizar la concertación social, quiso camudala nun ariete nel marcu del debate presupuestariu y nun acaba de comprender la necesidá d'algamarr alcuerdos amplios p'abordar, dende'l consensu, les grandes cuestiones d'Asturies”, afirmó Jesús Iglesias.

IX d'Uviéu califica l'actitú de Buendía d'"indolencia propia d'un señoritu mal educáu” por dexar ensín contestar les preguntes sobre la pasarela de Cuyences nesti periodu de sesiones

“ N'IX d'Uviéu tamos indignaos cola actitú d'esti Conseyeru al que-y le falta tiempu p'apaecer nes fotos colos constructores esmormiendo la ausencia de presupuestos colos que ensuchar los sobrecostes del gobiernu y nun tien la sensibilidá suficiente pa contestar a unos vecinos que padecen la torpeza de la so xestión. El problema de Cuyences clama al cielu polo sangrante de la situación y polo cenciello d'una solución. Ye impresentable que tenga les preguntes sobre la pasarela ensin contestar y marche de vacaciones de Navidá tan tranquilu. La so indolencia ye propia d'un señoritu mal educáu. Cola cantidá d'altos cargos que tien al so serviciu bien pue contestar dos entrugues y comprometese nuna fecha pala finalización d'una obra que ya tenía que tar fecha. Si los vecinos foran de la CAC al Conseyeru diba falta-y tiempu pa modificar la so axenda ya dir a comer con ellos.” afirmó Alejandro Suárez, coordinador d'IX d'Uviéu.

IX-BA-Verdes pide que na Comisión que va decidir sobre los terrenos del Hospital Central tean l'administración central, asociaciones vecinales, sindicales y la Universidá d'Uviéu

El grupu parlamentariu d'Ix-BA-Verdes presentó na Xunta Xeneral del Principáu una proposición non de Llei na que insta al Conseyu de Gobiernu a impulsar, de manera inmediata y en collaboración col Ayuntamientu d'Uviéu, la creación d'una comisión que decida   la futura utilización de los terrenos que queden lliberaos na ubicación d'anguaño del Hospital Universitariu Central d'Asturies y la so área urbanística d'influencia, incorporando nella, al menos y xunto con eses Administraciones, a la Universidá d'Uviéu, les asociaciones vecinales, sindicales y otres entidaes ciudadanes, y priorizando en tou casu'l desarrollu d'espacios y equipamientos públicos na zona. Del mesmu mou, la Xunta Xeneral del Principáu d'Asturies insta al Conseyu de Gobiernu a proceder nel so día a la tasación pericial de los citaos terrenos e informar de la mesma a esti Parlamentu, a los efectos establecíos na Llei de Patrimoniu del Principáu d'Asturies.

Asturias nun tien presupuestos porque'l PSOE nun quiso

Ante les declaraciones de la vocera del gobiernu, Izquierda Xunida d'Asturies recuerda que l'únicu responsable de que nun haya presupuestos n'Asturies ye Areces. Nun hai presupuestos porque'l PSOE nun quiso. IX optó por negociar de forma seria y rigurosa, demientres el gobiernu presentó un sainete y negó cualquier opción pola vía de los fechos. L'executivu convirtió lo que debía ser un alderique ente la izquierda nuna auténtica tomadura de pelo a los asturianos y prueba del ridículu que protagonizó foi'l so atrevimientu de presentar un documentu presupuestariu ensin un númberu, dalgo inéditu n'Europa.

La Xunta refuga los presupuestos d'Areces al aprobar la enmienda a la totalidá d'IX-BA-Verdes

L refuga a los presupuestos del gobiernu punxo de manifiestu la orfandá del executivu que preside Areces y la falta de voluntá d'alderique. Los 24 votos a favor d'IX y PP suponen la prórroga de los presupuestos pa 2007. IU-BA-Verdes considera, tal como figura na enmienda a la totalidá aprobada que'l presupuestu “nun da rempuesta a las necesidaes socioeconómiques y financieres de la Comunidá Autónoma nin cumple les orientaciones, que tanto en política d'ingresos como de gastos”.

Valledor: “Buendía y Rexach frayaron la confianza del Parlamentu nel Gobiernu porque mintieron”

El diputáu del Grupu Parlamentariu d'IX-BA-LV na Xunta Xeneral del Principáu, Francisco Javier García Valledor calificó de “fechu pergrave” la revelación del Ministeriu de Fomentu sobre la verdadera cuantía de los sobrecostes de El Musel. “Tres dos comparecencies na Xunta Xeneral, que-y abultaron escesives e innecesaries al Conseyeru, según les sos propies manifestaciones y que pal Presidente de l'Autoridá Portuaria yeren xurídicamente discutibles, tuvo que ser el Ministeriu de Fomento el que mos informase de la verdadera magnitud económica de los sobrecostes, que superen, en nada menos, que casi un 20% lo declarao en sé parlamentaria polos señores Buendía y Rexach. Esti fechu ye gravísimo ya que la mentira fraya la confianza na veracidá de les informaciones del Gobiernu, piedra angular na que se sostién el sistema parlamentariu. La mentira ye inaceptable y quien la practica y los sos superiores garren darréu una grave responsabilidá política”, señaló Valledor.

IX denuncia que'l gobiernu quier botar a 100 trabayadores de los telecentros y que los ayuntamientos asuman la xestión

Alberto Tirador, responsable de Política Municipal d'IX d'Asturies y alcalde d'Illas, denunció güei, acompañáu d'Ángela Vallina, alcaldesa de Castrillón y Elías Rodríguez, alcalde de Casu, la situación a la que'l gobiernu d'Areces, cola aquiescencia de la Federación Asturiana de Conceyos, quier abocar a los trabayadores de los telecentros y los ayuntamientos asturianos.

Laura González: "dalgunos pretenden que los únicos que abrochen el cinturón nesti país sían los trabayadores"

La candidata al Congresu de los Diputaos, Laura González, criticó taxantemente les declaraciones del gobernador del Bancu d'España, Miguel Ordóñez, feches ayeri n'Uviéu. “Dalgunos pretenden que los únicos que tengan que abrochar el cinturón nesti país sían los trabayadores. Hai que recordar dalgunos datos: el sueldu mediu n'Asturies ye inferior a la media del país, que l'añu pasáu más de la metá de los nuevos asalariaos tuvieron sueldos por debaxo del Salariu Mínimu Interprofesional, tal y cómo denunciaron los sindicatos. Y mientras esto ocurre, los precios de los productos básicos de la cesta de la compra nun aparen de subir”, aseguró Laura González.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies