Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

Jesús Iglesias: "La irresponsabilidá de los socialistes dexónos cola despensa vacía y vienen tiempos difíciles"

Izquierda Xunida considera qu'"el PSOE aplica la política de la drecha, opta pola barra llibre d'ayudes y renuncia a la política de la izquierda"

Valledor amuesa'l so escepticismu énte les pallabres de Migoya sobre'l muelle flotante de la Ría del Eo

El diputáu d'IX-BA-Verdes, Francisco Javier García Valledor esixe al gobiernu asturianu a tomar la iniciativa de forma seria y rigurosa énte la Xunta de Galicia y reclamar, per escrito, la paralización del muelle flotante en Ribadeo. El diputáu amuésase escépticu, una vegada más, énte les pallabres de la vocera del gobiernu asturianu.

IX esixe que la financiación llocal s'aborde en paralelu a l'autonómica

Los conceyos nun pueden siguir siendo l'hermanu probe. Depués de más de dos décades de democracia ye hora de financiar a los conceyos pa que tengan abonda autonomía p'afrontar los gastos de les competencies que tienen encomendaes. IX d'Asturies esixe que la financiación llocal s'aborde en paralelu al procesu que ta acabante abrir el presidente del gobiernu, José Luis Rodríguez Zapatero, pa reformar la financiación autonómica. Del mesmu mou, insta al Presidente del Principáu a que defenda na negociación que se ta llevando alante que la financiación autonómica nun se zarre ensin concretar y satisfacer les demandes llocales.

Valledor: "La dirección Xeneral de Política Forestal lleva vacante dos meses. Naide quier desprestixase entrando na Conseyería dempués de la marcha de Tomasa Arce"

Pal Grupu Parllamentariu d'IX-BA-Verdes resulta llamentable que'l gobiernu seya incapaz de cubrir la Dirección Xeneral de Política Forestal, responsabilidá que lleva dos meses vacante dempués del ascensu de Cristino Ruano a la Viceconseyería. Pal diputáu Francisco Javier García Valledor esti asuntu demuestra la poca seriedá d'una Conseyería que yá ye conocida poles sos metedures de pata,  los sos conflictos y la so falta de rigor.

Belén Fernández vuelve a facer el más absolutu de los ridículos

García Valledor esixe al gobiernu asturianu que presente alegaciones escontra la terminal flotante de Ribadeo y nun delegue les sos responsabilidaes

El Gobiernu asturianu delega nel Ayuntamientu de Ribadeo la negativa a la construcción del muelle flotante

El Gobiernu d'Asturies confía na posición del Ayuntamientu de Ribadeo para que'l muelle proyectáu por Puertos de Galicia en Ribadeo nun se lleve al cabu. Esa ye la principal conclusión que Francisco Javier García Valledor saca de les entrugues formulaes esta tarde a la Conseyera de Mediuambiente sobre'l muelle flotante que Portos de Galicia pretende construir nel muelle de Ribadeo, na ría del Eo. Una vez más, según Valledor, el gobiernu asturianu fae dexación de funciones, como ocurrió cola macroincineradora que delega a la decisión de los ayuntamientos. Esta vegada faelo col Ayuntamientu de Ribadeo.

El gobiernu asturianu deberá desenrrollar un plan p'ampliar y reconocer los derechos de quienes padecieron persecución o violencia durante la Guerra Civil y la Dictadura

La Xunta del Principáu insta al gobiernu asturianu a desenrrollar un Plan, a la mayor brevedá, que contenga les midíes que deserrollen la Llei de Memoria Hestórica pola que reconocen y amplíen derechos y se establecen midíes a favor de quienes padecieron persecución o violencia durante la Guerra Civil y la Dictadura. Esta midía foi propuesta pol portavoz del grupu parlamentariu d'IX-BA Verdes, Jesús Iglesias, y contó colos votos a favor del PSOE. 

Valledor: “Belén Fernández ye la macroincineradora. Quema a tol so personal”

La dimisión del Xefe de Gabinete de la Conseyera de Mediu Ambiente ye pal diputáu d'IX-BA-Verdes, Francisco Javier García Valledor “otra muestra más de que la Conseyería de Mediu Ambiente ta na descomposición por mor de la neglixente actitú del gobiernu autonómicu que permite estos espectáculos semanales”.

La decisión de la Presidencia d'IX ye la consecuencia inevitable de la estratexa protagonizada polos conceyales: foron ellos quienes s'autoescluyeron d' IX

La Comisión Xestora d'IX en Llangréu, manifesta que la decisión adoptada por unanimidá de la Presidencia Colexada d'IX ye la consecuencia inevitable de l'actitú y estratexa mantenida nos últimos meses polos cuatro conceyales. De forma sistemática, reiterada y pública manifestaron que nun pertenecen a IX. Foron ellos quienes se autoescluyeron. Foron ellos los que nun quieren pertenecer nin representar a IX.

Zapatero afronta la crisis colos bolsiellos vacíos

Izquierda Xunida d'Asturies considera que les declaraciones del vicepresidente Solbes confirmen que Zapatero afronta la crisis colos bolsiellos vacíos. Ya lo denunciamos nel so día: la política de cheques pa todos suponía nun namái l'aplicar midíes de dereches sinón dilapidar una importantísima cantidá de recursos públicos cuando hai munches necesidaes nesti país. Ye una auténtica irresponsabilidá que va tener consecuencies dramátiques pa munches families.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies