Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

La Xunta refuga los presupuestos d'Areces al aprobar la enmienda a la totalidá d'IX-BA-Verdes

L refuga a los presupuestos del gobiernu punxo de manifiestu la orfandá del executivu que preside Areces y la falta de voluntá d'alderique. Los 24 votos a favor d'IX y PP suponen la prórroga de los presupuestos pa 2007. IU-BA-Verdes considera, tal como figura na enmienda a la totalidá aprobada que'l presupuestu “nun da rempuesta a las necesidaes socioeconómiques y financieres de la Comunidá Autónoma nin cumple les orientaciones, que tanto en política d'ingresos como de gastos”.

Valledor: “Buendía y Rexach frayaron la confianza del Parlamentu nel Gobiernu porque mintieron”

El diputáu del Grupu Parlamentariu d'IX-BA-LV na Xunta Xeneral del Principáu, Francisco Javier García Valledor calificó de “fechu pergrave” la revelación del Ministeriu de Fomentu sobre la verdadera cuantía de los sobrecostes de El Musel. “Tres dos comparecencies na Xunta Xeneral, que-y abultaron escesives e innecesaries al Conseyeru, según les sos propies manifestaciones y que pal Presidente de l'Autoridá Portuaria yeren xurídicamente discutibles, tuvo que ser el Ministeriu de Fomento el que mos informase de la verdadera magnitud económica de los sobrecostes, que superen, en nada menos, que casi un 20% lo declarao en sé parlamentaria polos señores Buendía y Rexach. Esti fechu ye gravísimo ya que la mentira fraya la confianza na veracidá de les informaciones del Gobiernu, piedra angular na que se sostién el sistema parlamentariu. La mentira ye inaceptable y quien la practica y los sos superiores garren darréu una grave responsabilidá política”, señaló Valledor.

IX denuncia que'l gobiernu quier botar a 100 trabayadores de los telecentros y que los ayuntamientos asuman la xestión

Alberto Tirador, responsable de Política Municipal d'IX d'Asturies y alcalde d'Illas, denunció güei, acompañáu d'Ángela Vallina, alcaldesa de Castrillón y Elías Rodríguez, alcalde de Casu, la situación a la que'l gobiernu d'Areces, cola aquiescencia de la Federación Asturiana de Conceyos, quier abocar a los trabayadores de los telecentros y los ayuntamientos asturianos.

Laura González: "dalgunos pretenden que los únicos que abrochen el cinturón nesti país sían los trabayadores"

La candidata al Congresu de los Diputaos, Laura González, criticó taxantemente les declaraciones del gobernador del Bancu d'España, Miguel Ordóñez, feches ayeri n'Uviéu. “Dalgunos pretenden que los únicos que tengan que abrochar el cinturón nesti país sían los trabayadores. Hai que recordar dalgunos datos: el sueldu mediu n'Asturies ye inferior a la media del país, que l'añu pasáu más de la metá de los nuevos asalariaos tuvieron sueldos por debaxo del Salariu Mínimu Interprofesional, tal y cómo denunciaron los sindicatos. Y mientras esto ocurre, los precios de los productos básicos de la cesta de la compra nun aparen de subir”, aseguró Laura González.

Migoya nun s'entera

Izquierda Xunida d'Asturies considera que Ana Rosa Migoya nun s'entera. Por desgracia, la vocera del Gobiernu asturianu manipula una vegada más la realidá. Quiciabes debería llamar a los sos compañeros del PSOE en Madrid pa que-y espliquen un detalle fundamental: cómo se pue algamar alcuerdos con cuatro fuercies polítiques pa sacar p'alantre unos presupuestos. A diferencia de los sos compañeros de Madrid, el Gobiernu asturianu optó pola soberbia y la prepotencia. Y asina nun s'algamen alcuerdos enxamás.

Alejandro Suárez: "L'alcuentru del día 19 ente Gabino y Areces ta empobináu a enllenar los "maletinis" de los inesplicaos sobrecostes del HUCA y solventar l'apuru de Villa Magdalena”

Tres el desastre de Villa Magdalena, la ufierta del Presidente camuda nuna que Gabino nun pue refugar. Nel alcuentru del prósimu día 19 va falase sobre manera de la recalificiación urbanística de los terrenos de la Vega pa la que ye necesaria la intermediación del Presidente ante'l Ministeriu de Defensa. Veremos como'l gobiernu Areces abandona a los sindicatos de la Vega a la so suerte na negociacion que mantienen cola dirección de la empresa. Los ciudadanos y ciudadanes d'Asturies vamos ser convidaos de piedra nun aquelarre nel que se van permediar los beneficios urbanísticos.

IU d'Uviéu afirma que'l desastre de la “Villa Magdalena” intensificará la presión especulativa sobre los terrenos del Cristo y de la Vega.

La coalición estudia medies parlamentaries pa garantizar transparencia en ambes operaciones.

Aurelio Martín entrugará a Buendía nel Parlamentu sobre l'accesu peatonal de Cuyences

El Grupu Parlamentariu d'IX-BA-LV rexistró dos entrugues pa que sían contestaes pol Conseyu de Gobiernu ante'l Plenu de la Xunta Xeneral. El diputáu que llevará'l debate va ser Aurelio Martín, voceru de la coalición en materia d'infrarestructures. Per otra parte, el Coordinador d'IX d'Uviéu, Alejandro Suárez, afirmó que "l'oxetivu de les entrugues ye que'l gobiernu se comprometa con una solución enantes de que se dea l'alderique parlamentariu, anque inda nesi casu nun vamos retirar les entrugues pa que quede constancia, en sede parlamentaria, del compromisu del gobiernu. Esti gobierno nun ye de fiar y namái atiende al palu ya la movilización. Ye ablucante que dalgo tan elemental como esti asuntu tenga que llegar al alderique parlamentariu."

IX-BA-Verdes presenta la enmienda a la totalidá de los presupuestos

IX-BA-Verdes rexistró la enmienda al Proyectu de Llei del Principáu d'Asturies de Presupuestos Xenerales pa 2008 porque “el proyectu que presenta'l Conseyu de Gobiernu nun da rempuesta a les necesidaes socioeconómiques y financieres de la comunidá autónoma nin cumple les orientaciones que, tanto en política d'ingresos como de gastos, aprobó en so día la Xunta Xeneral del Principáu d'Asturies”.

Alejandro Suárez califica de “sorprendente y ridícula” l'actitud del Partíu Popular

El Grupu Parlamentariu Popular nel Senáu, rexistró una enmienda al testu remitíu pol Congresu del Proyectu de Llei de Presupuestos Xenerales del Estáu na que pide una xuba de la subvención a l'Asociación d'Amigos de la Ópera de Bilbao de 800.000 euros, asina como un incrementu de la Sociedá Coral de Bilbao de 100.000 euros más. Esta enmienda quier incrementar asina en más d'un 25 por cientu la cantidá cola que ya cuenta la temporada d'ópera de Bilbao tres la enmienda aceptada nel Congresu que lu situó en 3 millones d'euros.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies