Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

Valledor: “Areces pue y tien que parar l'aberración urbanística que suponen les trillizes de Calatrava”

El diputáu d'IX-BA-Verdes na Xunta Xeneral del Principáu d'Asturies, Francisco Javier García Valledor, emplazó al Presidente del Gobiernu d'Asturies, Vicente Álvarez Areces, a “paralizar, de forma inmediata, la barbaridà urbanística que suponen les trillizes de Calatrava. Ye una auténtica aberración y el Principáu nun pue ser cómplice. La COUTA pue, y tien que, paralo. Hai que poner orden y garantizar l'interés xeneral por encima de los interés de cuatro”.

Valledor: “Afortunadamente la FSA nun pinta nada dientro del PSOE, son el sector más carvenícola en polítiques mediuambientales”

El diputáu d'IX-BA-Verdes na Xunta Xeneral del Principáu d'Asturies, Francisco Javier García Valledor destacó'l “conflictu qu'hai ente la FSA y el Partíu Socialista de Llión. Una vez más los asturianos tenemos la oportunidaá de comprobar que los dirixentes de la FSA constituyen el sector más cavernícola de tol Partíu Socialista no que a polítiques medioambientales se refier.

“El votu del mieu que'l PSOE ta expandiendo ye irreal”, asegura Laura González

Laura González, candidata d'IX-BA-Verdes al congresu de los diputaos, aseguró esta mañana que la única manera de que'l Partíu Socialista mire a la izquierda ye votando a Izquierda Xunida. “El votu del mieu que'l PSOE ta espardiendo ye irreal, ficticiu. El PSOE tien encuestes que-yos dan la victoria y la entruga nun ye si PP o PSOE, sinón cuánta izquierda va haber nel gobiernu y mire a la so izquierda y non a la derecha, a Convergencia i Unió o a la derecha nel so conxuntu”, aseguró la candidata. El votu útil ye a IX-BA-Verdes, sentenció la candidata.

Ángel González: “Pilar Rodríguez tendría qu'esmolecese más pol colapsu de la so conseyería y menos pola propaganda”

El secretariu d'organización d'IX d'Asturies valora positivamente la resolución de la Xunta Electoral Central. Esixe a la Conseyera de Bientar Social que, tres esti nuevu ridículu, se centre en poner fin al caos de la Conseyería. Tuvo la oportunidá de rectificar y nun lo fizo. Tien qu'asumir responsabilidaes.

IX d'Uviéu: “L'apellíu Masaveu apaez pa defender los sos privilexos coles formas tabernaries de los terratenientes. Alicia Castro Masaveu ve peligrar el so cementu de les trillizes.”

Pa IX d'Uviéu, les declaraciones de la dirixente del PP Alicia Castro son propies de quien defiende los sos privilexos económicos nuna ciudá na que determinaes families tan asentaes como nun cortixu.

Laura González: “tol mundiu sabe que voy defender Asturies en Madrid con uñes y dientes”

Avilés, la ciudá de la candidata d'IX-BA-Verdes, ye'l llugar escoyíu pal entamu de la campaña de Laura González. La cai de la Cámara foi l'escenariu nel que se descubrió una foto única de la candidata nel Congresu de los Diputaos, al lláu de los populares lliones col lema “Asturias en Madrid, con Laura seguro”. La fotografía ye obra del responsable gráficu de la publicación ZERO, Eduardo P.V. Rubaudonadeu. Pa la ocasión distribuyéronse 1.000 marcapáxines. Laura González afirmó “está foto resume lo únicu que voy prometer nesta campaña y lo que tol mundiu sabe: voy defender Asturies en Madrid con uñes y dientes. Yo nun entro en nenguna subasta, yo namái comprometo'l mi trabayu. A diferencia d'otros, que paez que durmieron una llarga siesta de cuatro años, yo aspiro a siguir caleyando Asturies pa llevar la mochila enllena de propuestes e iniciatives al Congresu de los Diputaos”

Presentación de la manifestación pol derechu al abortu

Les 46 organizaciones convocantes de la manifestación  pol derechu al abortu: nosotres decidimos, convidámovos a la presentación pública –pa los medios- que vamos facer el día 20, a les 11,30h nel local de La Escandalera (c/San Francisco, 21-3ºderch, Edif.. El Termómetru, frente a la Xunta).

IX d'Uviéu va entrugar por qué'l Conceyu d'Uviéu admitió, ensín informar a naide, nuevos costes en Cogersa que diben encarecer el recibu de la basoria

Izquierda Xunida d'Uviéu va entrugar al Conceyu por qué alcordó nel máximu muérganu de direición del consorciu encarecer el recibu de la basoria a los ciudadanos y ciudadanes d'Uviéu. “Esta ye la consecuencia llóxica de decidir asumir el coste del tratamientu de los residuos ganaderos. Esta idea descabellada de la Conseyera de Mediu Ambiente ye cásique inviable pola so magnitud y perxudica claramente a los intereses del Conceyu d'Uviéu. Ta claro que l'oxetivu ye un encarecimientu del preciu del recibu de la basoria pa xustificar la incineradora. Lo que nun s'entiende ye la posición del Conceyu d'Uviéu nos muérganos de Cogersa.” afirmó Alejandro Suárez, coordinador local d'IX.

Laura González: “la única pinza qu'hai n'Asturies ye la pinza "d'oru” ente'l PSOE y el PP, la pinza del dineru”

Laura González afirmó güei que “la única pinza qu'hai n'Asturies ye la pinza "d'oru” ente'l PSOE y el PP, la pinza del dineru pa llevar a cabu descabellaes operaciones urbanístiques n'Uviéu y que tamién pon en grave peligru la costa asturiana. Esa ye la única pinza qu'hai n'Asturies y sobre la que, casualmente, los socialistes nun quieren falar”.

Laura González: “nun ye tolerable que los xóvenes tengan qu'hipotecar les sos vides p'acceder a una vivienda”

El problema de la vivienda nun se resuelve prolongando la duración de les hipoteques. La candidata defiende, ente otres midíess, la creación de nueves sovenciones pa sofitar a les families con menos recursos a pagar les hipoteques.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies