Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

Noemí Martín denuncia que'l Gobiernu d'Asturies incumple la llei que garantiza la estabilidá nel emplegu de los sos trabayadores

La diputada del grupu parlamentariu d'Izquierda Xunida-Bloque-Los Verdes, Noemí Martín González, denunció gúei l'incumplimientu sistemáticu del actual Gobiernu d'Asturies de la llei promovida y aprobada en Madrid pa garantizar la estabilidá nel emplegu de los trabayadores, qu'incluí tamién a los emplegaos públicos, la nomada Llei Caldera. La diputada formuló esta denuncia tres mantener güei una reunión colos representantes de los Espertos Docentes de Formación Profesional del Principáu d'Asturies que, tres años de prestar esti serviciu, dexaron de ser contrataos pola Administración del Principáu.

Izquierda Xunida ta indignada al nun atopar l'espediente de los terrenos del Vasco a disposición pública.

IX denuncia otra argucia más de Gabino pa impedir la participación ciudadana.

Jesús Iglesias acusa al gobiernu d'Asturies de mentir y falsear al usar la prórroga presupuestaria con ánimu ellectoralista

Jesús Iglesias, voceru parlamentariu d'IX-BA-Verdes na Xunta Xeneral del Principáu, espresó esta mañana la so indignación pola manera nel que'l gobiernu d'Asturies ta utilizando la prórroga presupuestaria con ánimu ellectoralista, una prórroga na qu'elli mesmo entró.

Laura González asegura que PP y PSOE tan convirtiendo la campaña nuna “tómbola”

Laura González, candidata d'IX-BA-Verdes al congresu de los diputaos, acudió güei xunto con Jesús Iglesias, Coordinador Xeneral d'IX, Ángel González, secretariu d'Organización d'IX, Nacho González y Joaquín Arce, representantes de Los Verdes d'Asturies y Rafael Palacios, voceru nacional del Bloque por Asturies, a la presentación de la llista ellectoral ante la Xunta Ellectoral Provincial. La candidata aseguró que la candidatura ye plural y tien muncho que facer nos prósimos meses, más si IX-BA-Verdes tien un diputáu en Madrid. Ente'l trabayu por facer queda la ellaboración d'una llei xusta que nun penalice a les muyeres que quieran interrumpir l'embarazu voluntariamente, la necesidá d'un cambiu na llei d'asociaciones y una llei de defensa de los consumidores, llograr que l'emplegu sía estable y de calidá, una vivienda digna, la supresión real del peaxe del Huerna....

Fotografíes de la cena homenaxe a Anita Sirgo en La Felguera

Gaspar Llamazares, Coordinador Federal d'IX, y Laura González asistieron a la cena homenaxe a Anita Sirgo, na que participaron más de 400 persones. La cena cellebrose'l sábadu 26 de xineru a les 21 hores nel Hotel Palacio de las Nieves de La Felguera . L'homenaxe tuvo organizáu por IX d'Asturies y n'elli collaboró'l colectivu de muyeres Les Filanderes. Amás de Gaspar Llamazares sistió una amplia representación de la dirección federal d'IX y d'IX d'Asturies y les suo organizaciones llocales, amás de dirixientes del sindicatu Comisiones Obreres.

Laura González autoincúlpase y reclama una llei de plazos que regule la interrupción voluntaria del embarazu

La candidata al Congresu de los Diputaos d'IX-BA-Verdes por Asturies, Laura González, reclamó  l'aprobación d'una Llei de Plazos del abortu y la eliminación d'ésti “d'una vez por toes” del Códigu Penal .Estes declaraciones diéronse dempués de qu'alredor de 400 militantes d'Izquierda Xunida d'Asturies presentasen nel xulgáu les autoinculpaciones por abortar o sofitar a interrumpir voluntariamente l'embarazu. Laura González tuvo acompañada por Jesús Iglesias, Coordinador Xeneral d'IX d'Asturies, Ángel González, Secretariu d'Organización, Noemí Martín y Aurelio Martín, diputaos de la Xunta Xeneral del Principáu, l'alcalde de Casu, Elías Rodríguez y una llarga llista de militantes.

Laura González llevará al congresu una Llei Integral escontra la Discriminación por Orientación Sexual ya Identidá de Xéneru

La candidata d'IX-BA-Verdes al congresu, aconceyó esta tarde colos representantes de Xente Gai Astur pa esplicar el programa específicu del área de Gais, Lesbianes, Transexuales, y Bisexuales de la coalición que te divide nos siguientes cinco puntos:

Laura González comprométese ante la UCE a sofitar la creación d'un Ministeriu de Consumu

IX-BA-Verdes y UCE roblen un contratu programáticu de defensa del consumidor

Laura González asegura que'l PSOE regala dineru como Bush

La candidata considera que tovía esisten munchos déficits sociales que resolver y son necesarios los servicios públicos

Laura González denuncia qu'esisten 500 viviendes ensín entregar a la espera de que s'aprosime'l 9-M

Laura González, candidata d'IX-BA-Verdes al Congreuo de los Diputaos, ufrió una rueda de prensa na que tuvo acompañada por Manuel G. Orviz, númberu 2 de la candidatura. La candidata fixo un balance de los sos primeros quince díes de precampaña: "ye un balance positivu porque tamos manteniendo reuniones con organizaciones sociales y ciudadanes, analizando les sos reivindicaciones y compartiendo les propuestes. Tamos recorriendo Asturies, escuchando a la xente na cai, conociendo de primer mano los sos problemes y les sos demandes. Y esti balance ye muncho más positivu si lu comparamos col trabayu que puen ufrir el PSOE ya'l PP".

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies