Francisco Javier García Valledor, actual Conseyeru de Xusticia, Seguridá Pública y Asuntos Esterirores participó na presentación de la candidatura d’IX de Teberga, de la que forma parte como númberu 5. García Valledor ocupa’l quintu puestu na llista encabezada por Luciano Zapico Fernández, que tien por oxetivu aumentar el númberu de votos que nos pasaos comicios eleutorales sirvieron a IX de Teberga pa sacar trés conceyales y formar gobiernu xunto al PSOE.
Izquierda Xunida d’Asturies allégrase del alcuerdu algamáu ayeri pol grupu parlamentariu d’IU federal col Partíu Socialista pa desbloquiar el Proyeutu de Llei de Memoria Hestórica.
Los Verdes d’Asturies, coaligaos con Izquierda Xunida d’Asturies y el Bloque por Asturies, mantuvieron un alcuentru con tolos sos candidatos a les próximes eleiciones autonómiques y llocales. A esti actu, celebráu n’Uviéu, asistieron alredor de 60 persones, ente les que taben los sos 44 candidatos a los comicios eleutorales. Los Verdes d’Asturies van presentar un númberu paritariu d’homes y muyeres nes llistes, 22 homes y 22 muyeres, anque podríen ser más nel momentu en que acabe’l plazu de presentación de candidatures. Pel momentu, Josefina Alonso Llano encabezará la llista de Cabrales y María Jesús Fernández, la d’Allande.
El Conseyu Políticu d'Izquierda Xunida d'Asturies aprobó esta tarde la llista encabezada por Alejandro Suárez González
El Conseyu Políticu d'Izquierda Xunida d'Asturies aprobó esta tarde la
llista cola que la coalición IU-BA-Verdes va presentase a les próximes
eleiciones na capital asturiana.
Jesús Iglesias, candidatu a la presidencia del Principáu d'IX-BA-Verdes y Coordinador Xeneral d'IX d'Asturies participó n a presentación de Samuel Hevia Muñiz, como candidatu a l'alcaldía de Riosa. Les próximes eleiciones al conceyu son, en Riosa, una oportunidá pa romper la sensación de parálisis y apatía que tien tomada al conceyu nos caberos años como consecuencia de la desapaición de la minería y d'un gobiernu municipal que nun foi a atopar alternatives, a xuiciu del candidatu a la presidencia del Principáu d'IX-BA-Verdes, Jesús Iglesias. L'Ayuntamientu de Riosa perdió la oportunidá d'aprovechar suficientemente l'anterior plan de la minería y tampoco nun rentabilizó abondo l'actual.
“Alberto Tirador ye un bon vecín que siente auténtica pasión por Illas y que sabe qu’Illas somos toos”. Asina se refería Oswaldo López, númberu dos de la llista al presentar al Responsable de Política Municipal d’IX d’Asturies, que repite como candidatu d’IX n’Illas, en presencia de Jesús Iglesias, candidatu d’IX-BA-Verdes a la presidencia del Principáu y Coordinador d’IX d’Asturies. Alberto Tirador espresó la so satisfaición por volver a encabezar la llista nesti conceyu y pol sofitu de los compañeros de partíu. A IX d’Illas muévela’l cariñu pol llugar onde viven los sos candidatos y pol modelu de vida que se desenrrolla nesti pequeñu pueblu que combina l’hábitat rural cola cercanía a les zones industriales del centru de la rexón. El progresu del conceyu, ensin arrenunciar al bientar social son otros de los puntos sobre los que va sustentase’l programa a desenrrollar na próxima llexislatura, si la candidatura cuenta col sofitu ciudadanu.
Jesús Iglesias, candidatu a la presidencia del Principáu d’Asturies d’IX-BA-Verdes participó xunto a Alfredo González, candidatu a l’alcaldía d’Ayer, nun repartu publicitariu en Morea.
Antonio Vivas Bravo, candidatu a l’alcaldía de Pravia va trabajar con enfotu, ilusión, saber y honestidá democrática pa ganar les próximes eleiciones del 27 de mayu nel conceyu. Vivas Bravo presentó la so candidatura xunto a Jesús Iglesias, candidatu d’IX-BA-Verdes a la presidencia del Principáu y Coordinador d’IX d’Asturies y Jaime Gareth Flórez, cabeza de llista a la Xunta Xeneral pela circunscripción occidental d’Asturies y actual alcalde de Degaña.
“Izquierda Xunida d’Uviéu recuperará Uviéu pa la xente”. Esta ye la base cola que trabayará Alejandro Suárez González y tola so candidatura na capital asturiana. Uviéu ye una ciudá que carez de política de vivienda municipal y namás la Conseyería de Vivienda y Bientar Social tien trabayao por llograr la consecución de viviendes de promoción pública na ciudá “La realidá ye que’l Plan de Vivienda Protexida fízose en realidá gracies a la Conseyería de Vivienda”, aseguró’l candidatu de la coalición na rueda prensa na que se presentó énte los medios de comunicación.
L’agricultura y el mediu rural n’Asturies nun ye un asuntu central del alderique políticu na nuesa comunidá. Redúxose la política agraria a la pura y dura xestión presupuestaria, empobinada a la llegada a Asturies de les másimes ayudes posibles de la PAC que van empobinaes a quienes menos tienen falata d’ello y a fomentar les grandes esplotaciones. Esiste una clara estratexa pa facer desapaecer l’agricultura familiar. El seutor cayó actualmente, nuna actitú de "salvese’l que pueda" que fomenta un creciente individualismu y la solución de "garra les perres y cuerri".
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
