Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

Valledor: “Tenemos indicios de dexación y chapuza na concesión de les Autorizaciones Ambientales Integraes. Diba xenerase una grave inseguridá pa les empreses afeutaes.”

El prósimu miércoles 30 d'abril fina'l plazu pa que les industries más importantes d'Asturies algamen l'Autorización Ambiental Integrada obligatoria según la Llei 16/2002 de 1 de xunetu de Prevención y Control Integraos de la Contaminación; les industries que nun cunten con dicha autorización van quedar n una situación d'illegalidá o diben tener que paralizar actividá.

Miles de xóvenes protagonizen un éxodu laboral que'l Gobiernu sigue considerando lleendes

Les cifres son claras. Lo que p'Areces yera una lleenda urbana pal Serviciu d'Emplegu del INEM son más de 19.000 x óvenes, namái l'añu pasáu, los que tuvieron que colar d'Asturies pa buscar un emplegu. Estos xóvenes formen l'Asturies qu'Areces nun quier ver y pa la que nun tien propuestes, asegura Noemí Martín, diputada d'IX-BA-Verdes. Nos discursos del presidente, cargaos d'ilusión y esperanza, nun hai espaciu pa la realidá. Si ya ye preocupante que nun quiera ver esta realidá, más grave resulta que la niegue, considera Martín.

Nota de prensa de la Comisión Xestora de Llangréu

Nuna organización ta quien quier tar. En Llangréu nun se botó a nadie d'IX. Alejandro Lopez y los otros tres conceyales fixeron numberoses y continuaes declaraciones públiques afirmando que nun tan n'IX. Ye más, de forma reiterada y continuada en diferentes medios de comunicación, afirmaron nun namái que nun pertenecen a IX sinón que namái diben respetar la disciplina d'otra organización política, a la que respetamos, pero que nun se presentó nes últimes eleiciones municipales. Amás, negáronse a recoyer el carné d'I y abonar les cuotes, deber básicu de tou militante.

Alejandro Suárez: “Dame ascu'l votu de los ex-conceyales d'IX en Mondragón”

El coordinador d'IX d'Uviéu, Alejandro Suárez, manifestó que'l votu de los que hasta güei yeren conceyales d'Izquierda Xunida en Mondragón, da-y “ascu”. Na so opinión “esta gangrena tien que dise definitivamente del proyectu políticu. Los demócrates nun podemos compartir nengún espaciu políticu en nengún ámbitu nin social nin institucional con estos dexeneraos. Nun ye distinta la mano cobarde y ambigua qu'ampara nes instituciones democrátiques a los asesinos que la que dispara y mata. La dignidá humana ta per enriba de cualquier otra consideración.” Por últimu, felicitó a Gaspar Llamazares por ser espeditivu na espulsión d'estos suxetos de la organización.

 

La Conseyera de Bientar Social miente na Xunta Xeneral del Principáu

La Conseyera de Bientar Social, Pilar Rodríguez, miente una vegada más. Ayeri mencionó nel plenu de la Xunta Xeneral el conveniu robláu con SEDES como causa de la privatización de la Residencia de Sotrondio. “Foi un exerciciu de cinismu políticu pal que nun tuvo'l menor rubor en recurrir a la mentira en sede parlamentaria. La Conseyera nun se entera o nun se quier enterar. Los alcuerdos ente'l Principáu d'Asturies y SEDES nun son nuevos. Nos últimos años construyéronse más centros polivalentes de recursos con esta fórmula y todos ellos tqn funcionando con xestión pública. Pero a la Consejyra da-y igual, ayeri vino a la Xunta pa defender lo indefendible –la privatización de los servicios sociales por parte d'un Gobiernu Socialista- y nun atopó meyor argumentu qu'anunciar públicamente una importante tresformación na empresa SEDES: van dejxr de contratar albañiles pa buscar xeriatres y personal sanitariu. Igual ye un plan pa salvar la crisis inmobiliaria. En SEDES tienen que tar ablucaos”, afirmó Noemí Martín.

Jesús Iglesias sofita la decisión d'IX Federal respecto a los conceyales de Mondragón

Jesús Iglesias, coordinador xeneral d'IX d'Asturies, sofitó públicamente la decisión anunciada por Gaspar Llamares y Ezquer Batua respecto a los conceyales d'EB nel Ayuntamientu de Mondragón: “aquellos que refiguen condenar la violencia y que, cola so actitú, consienten que quienes apoyen el terrorismu sigan gobernando cualquier alministración o institución pública nun pueden tar n'Izquierda Xunida”.

IX va da-y puxu a un proyectu pa financiar les necesidaes de los ayuntamientos

Izquierda Xunida d'Asturies va demandar al gobiernu d'Asturies un  créditu estraordinariu pa financiar los proyectos que demanden los ayuntamientos asturianos. Ante'l vaciu d'iniciativa por parte del gobiernu d'Areces, IX d'Asturies va facer una propuesta de financiación pa que les necesidaes de los ayuntamientos y los ciudadanos se resuelvan. Esti proyectu va facese atendiendo a les necesidaes y d'una forma neutra, ensín tener en cuenta'l color políticu del equipu que gobierna, tal como yera'l modus operandi del executivu autonómicu que “sofita a los ayuntamientos propios y castiga a los d'otru color políticu”, como aseguró Jesús Iglesias, durante la rueda de prensa posterior a la reunión colos secretarios xenerales de los sindicatos UXT y CCOO -Justo Rodríguez Braga y Antonio Pino, respectivamente- y el presidente y secretariu xeneral de la Federación d'Empresarios Asturianos (FADE), Severino García Vigón y Alberto González.

Valledor: “Tenemos indicios de dexación y chapuza na concesión de les Autorizaciones Ambientales Integraes. Diba xenerase una grave inseguridá pa les empreses afeutaes.”

El prósimu miércoles 30 d'abril fina'l plazu pa que les industries más importantes d'Asturies algamen l'Autorización Ambiental Integrada obligatoria según la Llei 16/2002 de 1 de xunetu de Prevención y Control Integraos de la Contaminación; les industries que nun cuenten con dicha autorización van queda nuna situación d'illegalidá o van tener qu'aparar la so actividá.

La comparecencia de Graciano Torre na Xunta foi propia d'un patrón decimonónicu ya inmoral

Pa Izquierda Xunida d'Uviéu la comparecencia d'ayeri del Conseyeru de Industria y Emplegu, Graciano Torre, pa informar sobre les sos xestiones pa desenrrollar un Plan de Recolocación pa les trabayadores de San Claudio, demuestra la inmoralidá cola que se comporten los socialistes en tola crisis de Fábrica de Loza. “Nun se actuó siguiendo'l mandatu de la Xunta Xeneral. Nun se informó a los trabayadores nin a los sindicatos. Nun se fizo nengún siguimientu. Dexose a les families a la so suerte. Ni siquiera'l Conseyeru ye capaz d'informar sobre los cursos de formación a los que se diz que se unvió a dalguna de les despedíes. Ta sofitándose pola vía de los fechos l'actuación d'un especulador de la peor especie. La comparecencia de Graciano Torre foi cínica y propia d'un patrón decimonónicu”, afirmó'l coordinador d'IX d'Uviéu, Alejandro Suárez.

La crisis nun se afronta regalando dineru

Ante les declaraciones de la vocera del gobiernu asturianu, Ana Rosa Migoya, Izquierda Xunida d'Asturies considera que'l gobiernu d'Asturies nun ta preparáu p'afrontar la recesión económica que se avecina porque ta xirando a la derecha, aplicando polítiques más propies d'Esperanza Aguirre que d'un socialista. Areces practica la política del despilfarru y non la de destinar más recursos a los que menos tienen nun momentu de crisis como'l d'anguaño.

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies