Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

  • Primera Página
  •   Página Anterior

Noemí Martín denuncia la privatización de servicios públicos nel ERA

La diputada del grupu parlamentariu d'Izquierda Xunida-Bloque por Asturies-Los Verdes de la Xunta Xeneral del Principáu, Noemí Martín González, denunció güei l'enfotu privatizador de los nuevos responsables del ERA, dependiente de la Conseyería de Bientar Social, que al so xuiciu “supón una nueva quiebra de la orientación cola que se gobernó l'anterior llexisllatura,”, en referencia a la intención denunciada polos sindicatos de privatizar el serviciu de llavandería de la residencia Santa Teresa d'Uviéu.

Aurelio Martín acusa al gobiernu de xugar a la ruleta rusa colos vecinos de Cuyences

El Grupu Parlamentariu d'Izquierda Xunida-Bloque por Asturies-Los Verdes recibió esta mañana a representantes de los vecinos de Cuyences que reivindiquen una pasarela pa conectase col barriu de La Corredoria. Na reunión tuvieron presentes, xunto colos vecinos, el diputáu voceru en materia d'infraestructures, Aurelio Martín, ya'l coordinador d'IX d'Uviéu, Alejandro Suárez.

Alejandro Suárez aconceya colos vecinos de Cuyences

El Grupu Parlamentariu d'Izquierda Xunida-Bloque-Los Verdes recibe mañana, xueves 27 d'avientu, a les 11 de la mañana a una delegación de los vecinos de Cuyences pa tratar sobre la pasarela que reivindiquen pa conectase col barriu de la Corredoria.

Noemí Martín pide al Gobiernu que rectifique la so política col personal de los Servicios d'Atención Continuada del SESPA

La diputada del Grupu Parlamentariu d'Izquierda Xunida-Bloque por Asturies-Los Verdes de la Xunta Xeneral del Principáu, Noemí Martín, esixó la paralización inmediata de la convocatoria del concursu oposición pal accesu a 99 plazes de la categoría de Medicu de Familia del SESPA y otres 87 d'ATS/DUE porque contravién l'alcuerdu unánime de 13 de mayu de 2004 de la Xunta Xeneral del Principáu, que se concretó darréu nel Alcuerdu del Conseyu de Gobiernu de 23 de setiembre de 2005, pol que se creaben y regulaben les condiciones llaborales del personal de los Servicios d'Atención Continuada (SAC).

Blanco sabe que'l xiru a la derecha d'Areces tendrá consecuencies electorales

Ángel González, Secretariu d'Organización d'IX d'Asturies, considera “pintoresco” que José Blanco fale de pinzes el mesmu día que los socialistes votaron col PP pa refugar la creación n'Asturies d'un Institutu de la Memoria Hestórica, una aspiración mui importante pa la xente d'izquierdes nesti país y que n'otros sitios con gobiernos de la izquierda plural, como en Cataluña, los socialistes nun dudaron n'aprobar. “Comprendemos el nerviosismu de la dirección federal del PSOE porque son conscientes de que'l xiru a la derecha nes polítiques sociales qu'entamó'l gobiernu d'Areces va tener consecuencies ellectorales y tienen datos que lo confirmen”, asegura'l Secretariu d'Organización d'IX.

La propuesta de Calatrava ye productu d'un urbanismu de “fartódromu” empobináu a enriquecer a les families de siempre. Ye la marbellización d'Uviéu.

IX d'Uviéu, por boca del so coordinador local Alejandro Suárez, calificó la propuesta del arquitectu Calatrava, presentada ayeri n'Uviéu, como “una idega que namái pue surdir nel “fartódromu” y que ta empobinada a enriquecer a les familles de siempre a costa de lo que un día foi suelu públicu. Los que sacaron tayada en Buenavista siguen acrecentando la so avaricia. Pa IX d'Uviéu lo más grave de todo ye que'l Plan Xeneral d'Ordenación Urbana foi reventáu una vegada más, “¿onde ta la segurida xurídica pa los ciudadanos, o ye que hai ciudadanos de primera a los que se-yos planifica a midía y ciudadanos de segunda que tienen que acatar les restricciones urbanístiques? Llegaos a esti puntu lo meyor ye anular tou Plan y que cada propietariu de suelu faiga lo que quiera, al menos asina diba haber cierta xusticia.” Afirma'l coordinador llocal de la coalición.

El Gobiernu nun cumple'l Plan de recolocación de San Claudio aprobáu pola Xunta Xeneral

Les trabayadores despedíes de San Claudio visitaron el grupu parlamentariu d'IX-BA-Verdes na Xunta Xeneral e informaron que'l Plan de Recolocación aprobáu na cámara asturiana nun entamó a cumplise. La Conseyería d'Emplegu nun fizo nenguna xestión pa cumplir el mandatu del Parlamentu asturianu. Nin l'Ayuntamientu nin el Gobiernu del Principáu tan faciendo enfotos pa solucionar una situación xenerada pola deslocalización de Fábrica de Loza.

IX considera una nueva tomadura de pelo l'anuncia de rebaxa del peaxe del Huerna

L'anuncia de la rebaxa del peaxe del Huerna, previstu nel Conseyu de Ministros, ye una nueva tomadura de pelo y un atracu a los asturianos, aseguró'l diputáu d'IX-BA-Verdes, Aurelio Martín, quién recordó la responsabilidá del Partíu Popular por prorrogar la concesión hasta l'añu 2050.

Propuestes de Laura González, candidata d'IX-BA-Verdes, pa les elecciones xenerales del 9 de marzu

Emplegu estable y con derechos. Que naide cobre por debaxxo de los 1.000 euros. Llucha escontra la precariedá y la discriminación salarial. Cumplimientu de la Llei de Prevención de Riesgos. Daremos puxu a un Plan de Política Industrial y Desenrrollu Tecnolóxicu. Apostamos pola economía social.

La convocatoria de subvenciones a ordenadores ye ellectoralista y carez de respaldu llegal y presupuestariu

Ante la convocatoria de subvenciones pa l'adquisición d'ordenadores y conectividá espublizada'l pasáu xueves nel BOPA, IX-BA-Verdes considera:

  • Primera Página
  •   Página Anterior

Compartir

2014 Izquierda Xunida d'Asturies - Política de privacidad - Política de cookies