El voceru parlamentariu d'IX na Xunta Xeneral, Aurelio Martín, y el diputáu Luís Álvarez Payu, caltuvieron un alcuentru esta mañana colos representantes de los trabayadores de La Voz d'Avilés, que s'atopen en huelga ante los dos despidos comunicaos pola empresa.
A xuiciu de los trabayadores estos despidos, el 25% de la plantiya, enmarquense na decisión de la empresa d'amenorgar drásticamente los gastos de personal, gastos que dende 2009 yá s'amenorgaren nun 45%.
Según los trabayadores, a lo llargo del procesu, los apoderaos de La Voz d'Avilés y responsables del grupu El Comerciu non solo nun fueron capaces de xustificar la supuesta mala situación de la empresa, sinón que la documentación qu'apurrieron dexaba aseverar lo contrario. Entá asina persistieron en reclamar a los trabayadores retayos salariales d'hasta'l 28% como alternativa pa evitar los despidos. La empresa, dicen, refugó toes y cada una de les alternatives de diálogu plantegaes polos trabayadores y aportunó n'imponer drásticos retayos estructurales.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
