Aurelio Martín, voceru parlamentariu d'IX na Xunta Xeneral, sostién que la Estratexa de Competitividá del Sector Primariu y el Desenvolvimientu Económicu del Mediu Rural Asturianu presentada esta mesma selmana pol Gobiernu asturianu ye un brinde al sol, non tantu poles midíes contrates qu'inclúi, sinón porque escarez de memoria económica pal so desenvolvimientu, lo cual nun ye seriu.
A xuiciu del voceru d'IX na Comisión d'Agroganadería tratase d'un actu de propaganda electoral socialista pagada con fondos públicos”, polo que pide al executivu asturianu que cese nesti comportamientu, que, per otru llau, yá utilizo col Plan de Movilidá ya Infraestructures, presentáu va delles selmanes.
El voceru d'IX nel parlamentu añedió que'l conteníu d'esti plan comprometíu al entamu de la llexislatura, que tardó más de tres años en redactase, ye nun 80% el Plan de Desenvolvimientu Rural 2014-2020, col agravante de que'l Gobiernu del Principáu menguó la so aportación económica al mesmu y la resultancia ye que pal periodu mentáu Asturies va cuntar con 200 millones menes de los que tenía nel periodu anterior. ”Non puede falase de más compromisu con menos dineru”, alvirtió'l diputáu d'IX.
Nesta estratexa de “utilizar al Gobiernu pa la campaña” que ye, “cuantimenos sorprendente” citó'l Plan de Movilidá ya Infraestructures que plantega una media añal d'inversiones de 99 millones d'euros cuando l'añu pasáu, el 2014, la inversión n'infraestructures foi de 36 millones d'euros. “De cumplise significaría que'l próximu añu'l Gobiernu asturianu tendría que triplicar el presupuestu n'inversiones”, concluyó, non ensin antes apuntar qu'esti anunciu produzse nel momentu que el Principáu baxó los sos impuestos y polo tanto va recaldar menos.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies