La moción d'IX tamién solicita la regulación de la retirada d'animales muertos, la realización d'estudios, o la reestructuración de les zones de xestión, ente otres cuestiones
El parlamentu autonómicu aprobó esta mañana una moción subsiguiente d'IX na qu'encamienta al Gobiernu al cumplimientu estrictu del Plan de Xestión del Llobu nel Principáu basáu na aplicación de conocencies científiques actualizaos y oldeaos, criterios técnicos y planteamientos de compatibilidá col desenvolvimientu de les esplotaciones agraries; l'actualización del censu de llobos; la ellaboración d'un reglamentu de daños y actualización de los baremos utilizaos pa cuantificalos, incorporando los daños indirectos, que na actualidá nun se tán considerando; y l'impulsu pal cambéu de regulación de la retirada d'animales muertos pa favorecer el so depósitu en muladares que sirvan d'alimentu de la fauna montesa o la redistribución de la cuota d'estracción (como señaló la diputada na so intervención, dempués d'un erru na redacción de la iniciativa), llevándolos a cabu naquellos sitios onde'l númberu de daños ye mayor y teniendo en cuenta'l valor descritu de los daños y non un sistema porcentual.
De la mesma, recueye la iniciativa la realización d'estudios que dexen ameyorar la conocencia científica de la especie, en relación al so comportamientu depredador y la convivencia con otres especies, la reestructuración de les zones de xestión lloberes por aciu un criteriu físicu o xeográficu; restablecer les zones d'influencia de los Parques Naturales, estremando zones dientro y fora de los parques según les zones entemedies d'influencia del parque y l'establecimientu de pagos ya indemnizaciones en función de les distintes zones onde se producen los ataques; el refugu y combate tantu de la caza furtivu como de les distintes técniques d'envelenamientu; ellaborar una planificación de comunicación y formación nel usu de midíes preventives que faciliten la protección de la ganadería n'estensivu ante los ataques de fauna selvaxe y ameyoren el trabayu a los pregueros/as (una enmienda de Podemos), según que se presente ante la cámara antes del final del presente periodu de sesiones un documentu d'evaluación del II Plan de Xestión del Llobu.
La iniciativa cuntó col sofitu del PSOE y Ciudadanos na so totalidá, Podemos en dellos puntos, ente que PP votó en contra y Foro abstúvose.
María José Miranda, diputada d'IX defendió la moción y esplicó los dos motivos que llevaron a presentar esta iniciativa: recoyer nun documentu únicu la posición qu'IX lleva calteniendo mientres tiempu en relación al llobu, y los defectos que la organización ve, coles mesmes que dexen clara la necesidá de faer una evaluación del II Plan de Xestión del llobu qu'ayude a los sectores implicaos y a los grupos de la cámara a conocer los defectos, aciertos… que se pudieron reparar na aplicación d'estos años. Miranda empezó, una vegada más condergando los actos delictivos d'exhibición de llobos muertu, actos “llamentables ya inxustificables”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies