Menu

La sociedá Cultural Xixonesa entama l'actividá que se va desenvolver nel Atenéu de La Calzada'l próximu xueves 30 de marzu

El voceru d'IX na Xunta Xeneral del Principáu, Gaspar Llamazares, va defender el próximu xueves les propuestes de la formación pa llograr una política fiscal más xusta y progesiva. El diputáu, xunta otros parllamentarios, va participar el próximu xueves, 30 de marzu, nun alderique entamáu pola Sociedá Cultural Xixonesa, a partir de les 19:30 hores nel Atenéu de La Calzada de Xixón.

Nel alderique encetarán la progresividad fiscal, l'impuestu de sucesiones y la finanación de los servicios públicos.

La progresividá fiscal forma parte del mancomún lexislativu de los países más equitativos del mundu y pretende una redistribución de la riqueza, de forma que la corresponsabilidad fiscal de tola ciudadanía asegure que pague más quien más recursos tien.

Nestos momentos, una de les cuestiones que de forma más recurrente apaecen nos distintos medios de comunicación ye'l pagu del impuestu de sucesiones, con voces que reclamen la so supresión, a pesar de qu'esti tributu solo afecta a un 4% de la población asturiana, yá que, de media, solo tuvieron que pagar aquellos patrimonios familiares superiores a los 600.000 euros, esto ye, 100 millones de les antigües pesetes.