La diputada d'IX recuerda que la tasa de reposición estatal ta agora nel 100% y que, amás precísense otres 60 places d'ausiliares d'enfermería pa residencies “a mediu gas”
Pulgar, diputada d'IX na Xunta Xeneral responsable de Derechos Sociales, punxo de relieve la esmolición de la coalición, compartida cola sección sindical de CCOO nel ERA (Establecimientos Residenciales Asturianos) sobre la externalización de operarios de servicios nesti organismu y les repercusiones que tien pa la calidá d'atención a los usuarios y pa trabayadores contrataos de manera precaria. Pulgar señaló que mientres esti exerciciu la Conseyería esternalizará ocho places de operarios de servicios so la escusa de que nun son personal d'atención directa, cuando nestos momentos esiste la oportunidá” qu'ufierta l'Alcuerdu pa la Meyora del Emplegu Públicu estatal que dexa la reposición del 100% . Esos ocho places nun pueden ser escusa, nesti momentu, pa dar cobertoria a les más de 60 places d'enfermería que se precisen pa poner en marcha les residencies que tán a mediu funcionamientu n'Asturies, como son les de Castrillón, Sotiel.lo, Llastres, Les Arriondes o'l Nodo, esplicó Pulgar. “Ye'l momentu de frenar la destrucción d'emplegu públicu”, dixo la diputada.
L'oxetivu últimu d'IX ye ufiertar un serviciu calidable que va directamente amestáu a un emplegu calidable, porque “desgraciadamente” l'emplegu que s'ufierta nes contrates ye precariu y con muncho menor salariu. Nesti casu defendió que'l ERA faiga un siguimientu de les contrataciones esternes, pa controlar la calidá del emplegu y la so incidencia nel serviciu. Nesti momentu son alredor de 90 les places de operarios de servicios nel ERA, dedicaos a llabores de caltenimientu, llavandería, llimpieza o cocina.
Cola sección sindical de CCOO na Era tamién encetó la diputada de l'apertura de la unidá de convalecencia de la Residencia Mista de Xixón o planta d'atención sociosanitaria. Nesti casu los trabayadores del ERA quieren saber con qué personal va abrir esta unidá, prevista pa finales d'añu, si con personal de Derechos Sociales o del SESPA, cuidao que va funcionar con un conveniu ente dambos departamentos.
De la mesma, demandó un estudiu profesional y esternu de valoración de cargues de trabayu, una investigación comprometida pola dirección del ERA, pero entá ensin concretar. La diputada incidió en que más allá de cumplir les ratios de personal que marca la normativa, esti estudiu implicaría valorar les cargues de trabayu del personal en función del grau de dependencia de los usuarios y asina amoldar les plantiyes a eses necesidaes pa una mayor calidá del serviciu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies