Izquierda Xunida denunció güei l'abandonu del conceyu y de la zona del baxu Nalón y reivindicó la necesidá de más inversión pa rellanzar el conceyu.
El coordinador xeneral d'IX Asturies, Ramón Argüelles, al pie de los secretarios de política municipal y acción política, Gabriela Alvarez y Juan Ponte, axuntáronse esta mañana col coordinador local, David Fernández y Miembros de l'agrupación nel conceyu, precisamente, pa buscar víes que dexen ameyorar la situación, tanto de la mesma agrupación como del conceyu. Pal coordinador local y voceru municipal, David Fernández, el so conceyu forma parte de "la periferia de la periferia", una situación na que, añedió, paez que "siempres quedamos un pocu al marxe de too: nun somos nin centru nin occidente".
El coordinador xeneral d'IX Asturies, Ramón Argüelles, reconoció les dificultaes que se viven especialmente nes zones rurales asturianes. "Lo que más m'esmolez ye que se sienten un pocu como na periferia, un pocu abandonaos", señaló Argüelles quien se comprometió a entornase "por que los recursos, los pocos recursos que tenemos puedan tar a la so disposición pa que puedan faer un llabor útil a los vecinos y vecines de Pravia"
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies