Menu

Conseyeru d'Educación, Xenero Alonso, confirma énte les entrugues de la diputada d'IX Concha Masa, que va empezar a axustar colos funcionarios docentes la reestructuración” del horariu al traviés d'un cambéu del horariu complementariu del profesoráu de secundaria.

Esta reestructuración que pretende llevar a cabu sería en llínea de treslladar hores complementaries al cómputu mensual, ensin amenorgar hores lectives, esplicó'l Conseyeru. Va Ser encetada na Mesa Sectorial del 30 de xunetu, esplicó Alonso a entrugues de Masa. La diputada d'IX entrugó sobro cuándo tien previsto establecer negociaciones cola Mesa Sectorial d'Educación pa llevar a cabu l'amenorgamientu horariu del profesoráu en toles etapes educatives y recuperar los sos derechos llaborales perdíos.

Concha Masa calificó como llamentable'l Real Decretu de 2012 pol que la educación pública sufrió grandes retayos y, ente otres midíes, enllantó la medría d'hores lectives, a les que'l Principáu añedió-y la mayor carga d'hores complementaries de too l'estáu. La diputada d'IX recordó que les males condiciones de trabayu del profesoráu repercuten na calidá del conxuntu de la enseñanza. Masa tamién citó la repercusión del avieyamientu de les plantiyes, les llimitaciones na tasa de reposición, les dificultaes de desdoblamientos o atención a alumnos con dificultaes, según la falta de personal pa llabores burocráticos ..

Masa tamién apuntó que ve con esmolición les novedaes anunciaes en prensa que pueda volver al colexu'l profesoráu xubiláu de manera filantrópica. “¿Nun hai xente nuevo pa dar clases?”, preguntóse la diputada d'IX. Al so xuiciu, IX sigui creyendo que los servicios públicos tienen de tar garantizaos con dineru público y nun tienen de depender de la caridá nin la filantropía.

Nesti sentíu, aseguró'l Conseyeru que'l resolvimientu realizase pa dar marcu normativu a una collaboración voluntaria que de facto se vien dando en munchos centros d'Asturies, de profesores que siguen comprometíos col llabor de xeres extraescolares, pa proyectos de biblioteca…. “Namás llueñe de la caridá y filantropía, sinón de da-y cobertoria a daqué que yá se ta faciendo”, aseguró