Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

11/07/2017

Llamazares repite la disposición d'IX a llegar a alcuerdos de futuru na comisión de llistes d'espera

El voceru d'IX aspira a que la Comisión adopte una posición mayoritaria p'ameyorar el sistema públicu pa los pacientes

Gaspar Llamazares, voceru parlamentariu d'IX na Xunta Xeneral, repitió esta mañana la voluntá del grupu parlamentariu d'IX de dialogar, dientro y fora de la cámara coles fuerces polítiques de la izquierda pa llegar a alcuerdos, sobremanera alcuerdos de futuru na comisión de les llistes d'espera. Llamazares apostó por ameyorar el funcionamientu del sistema sanitariu, que dempués de los retayos sufrió un importante deterioru, y la meyora de la información a los ciudadanos, a los pacientes, con menor interés en “pasar factura a los anteriores xestores de la sanidá”. “Tenemos poco interés nel pasáu y sí en qu'ameyore'l sistema sanitariu nel futuru”, esplicó'l voceru énte les entrugues de los periodistes. IX presentó 35 enmiendes al testu propuestu por Andrés Vilanova, lo que demuestra, a xuiciu de Llamazares, qu'IX trabayó y tien criteriu.

Llamazares preguntóse, ¿Qué tanto vamos intentar llegar a alcuerdos colos más cercanos?”.En primer llugar citó a Podemos, pero tamién, si lo quieren col PSOE, y el restu de les fuerces polítiques. “La nuesa aspiración nun ye namái quedanos coles conclusiones de la comisión de llistes d'espera como banderín, sinón que sía una bandera de la mayoría de la Cámara que prima al Gobiernu p'ameyorar la xestión de les llistes d'espera nel sistema sanitariu, p'ameyorales dende'l puntu de vista públicu, non por que sían un furacu pol cual vase una parte de la demanda escontra'l sistema priváu”, esplicó

Volver

Compartir

2014 Izquierda Xunida d'Asturies - Política de privacidad - Política de cookies