Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

12/07/2017

Zapico convida a les alministraciones a collaborar con Fusba y a establecer clauses sociales na so contratación

El funcionamientu "fluyíu" de les alministraciones con Fusba implica'l sostenimientu d'esti centru qu'emplega a persones con diversidá funcional, fíos y nietos de mineros.

Ovidio Zapico, diputáu d'IX na Xunta Xeneral, demandó esta mañana dempués de visitar les instalaciones de Fusba, en Carbayín Altu, la collaboración de les alministraciones pa sostener l'actividá que los centros especiales d'emplegu desenvuelven, según l'establecimientu de clauses sociales nos pliegos de contratación coles mires de caltener los fines colos que fueron concebíos, favorecer el trabayu de persones con diversidá funcional. De la mesma, el diputáu d'IX considera que sería necesario romper les llimitaciones a la contratación pública establecida pol Gobiernu de Rajoy por que la Fundación Santa Bárbara pueda ampliar los sos trabayadores nos sectores onde cuenta con más demanda. Los diputaos Ovidio Zapico y Marta Pulgar, al pie de la conceyala de Siero, María González y la coordinadora d'IX de Siero, Tere Álvarez, visitaron esta mañana'l centru especial d'emplegu, Fusba, Fundación Santa Bárbara, que pertenez a Hunosa dende hai más de 40 años y da trabayu a persones con distintes discapacidáes. Zapico espresó la reconocencia d'IX a la Fundación pol llabor desenvueltu dempués de conocer, de primera mano, cómo s'entama esta fundación que da emplegu a casi un centenar de trabayadores, afondar sobro l'estáu de la fundación y les sos perspectives de futuru.

Nesti sentíu, Zapico esplicó'l prestu poles perspectives de futuru y por que agora, desque ye un mediu propiu del estáu ye económicamente sostenible. Al so xuiciu ye necesariu, sicasí, "afondar na cooperación de les distintes administraciónes con estos centros especiales de formación y, d'ende, la necesidá de que sía más común atopar clauses sociales nes alministraciones". Para Zapico el funcionamientu "fluyíu" de les alministraciones con Fusba implica'l sostenimientu d'esti centru qu'emplega a persones con diversidá funcional, fíos y nietos de mineros. Zapico reconoció qu'hai demanda en distintos talleres pa poder emplegar a más persones, anque llamentó que esten llindaos pola contratación establecida pol estáu. "Esperamos que'l gobiernu central vaiga terminando con estes llendes", dixo al términu d'una visita na que tuvo presente la Presidenta d'Hunosa, Teresa Mallada. IX amuesa la so disposición a collaborar con Fusba por que siga el so llabor nos distintos campos que desenvuelve, y "por que los trabayadores sigan faciendo por casu fundes pa trabayadores d'Hunosa, más allá de 2018".

Fusba, asitiada en Carbayín Altu, en Siero, realiza actividaes de confección de ropa llaboral, serigrafía, comercialización de productos de protección, fabricación de parrilles metáliques, dixitalización gráfica o caltenimientu d'estintores, ente otres cuestiones.

Volver

Compartir

2014 Izquierda Xunida d'Asturies - Política de privacidad - Política de cookies