Marta Pulgar esplica qu'IX trabayó cola prioridá de consiguir meyores que favorecieren a los ciudadanos na so vida diaria
Gaspar Llamazares, voceru parlamentariu d'IX na Xunta Xeneral, y la diputada Foína Pulgar, miembru de la Comisión de les Llistes d'Espera, refiriéronse esta mañana al alcuerdu alcanzáu na redacción final del dictame de la citada comisión ente IX y Podemos como un primer pasu na bona dirección, na d'esixir un cambéu al Gobiernu na xestión de les llistes d'espera, que supere la inercia na que s'atopa instaláu pa establecer una xestión integral na qu'ameyore l'Atención Primaria, la coordinación ente niveles y amenorgue de manera sustancial nun curtiu periodu de tiempu les llistes d'espera na sanidá asturiana. A última hora, qu'ameyore l'atención sanitaria a los ciudadanos, esplicaron los representantes d'IX en rueda de prensa.
A xuiciu de Gaspar Llamazares esti primer pasu va na idega de que la izquierda "apruebe'l cursu en septiembre”. Nesti sentíu'l voceru d'IX alvirtió de que paez qu'en Castiella-La Mancha tán “aprobando”, que va haber un Gobiernu compartíu esti cursu, y felicitó a PSOE y Podemos por ello. “Creemos qu'equí tien de faese lo posible pa un alcuerdu, más modestu, pa faer xirar al Gobiernu de Javier Fernández a la izquierda”, esplicó. IX ta a la espera de que Podemos ponga fecha a la próxima xunta p'alcordar el métodu y el calendariu de les temes a aldericar, anque la coalición considera que dempués del alcuerdu na comisión de llistes d'espera pueda empezar a tratar la rexeneración democrática y los asuntos sociales.
Marta Pulgar, la diputada de IU miembro de la Comisión de Llistes d'Espera, realizó una valoración global positiva al respective de les conclusiones, basaes fundamentalmente pa IX na prioridá de consiguir alcuerdos en meyora que favorecieren a los ciudadanos na so vida diaria, cola vista nel presente y nel futuru más que nel pasáu. La coalición defendió 35 enmiendes al borrador realizáu por Andrés Fernández Vilanova, de Podemos, enmiendes que fueron aceptaes o transaccionaes prácticamente na so totalidá, toes menos una.
IX trabayó mientres más d'un añu con cuatro exes que sofitaron darréu les sos enmiendes empobinaes a: la meyora na tresparencia ya información a los ciudadanos,; la meyora na xestión y la participación, amás de reflexar nos encamientos la priorización de l'Atención Primaria. “Creemos non solo na solución asistencial, sinón n'establecer midíes estructurales y na solución a la demanda, por que menos xente precise ciertos niveles d'asistencia, y esto solo soluciónase con midíes de salú pública sosteníes pola Atención Primaria”, esplicó la diputada d'IX nel Parlamentu asturianu. A l'Atención Primaria ye necesario da-y una mayor capacidá de resolvimientu y mayores competencies, dixo Pulgar, que tamién considera obligada una mayor coordinación ente los distintos niveles sanitarios. IX señala nel dictame que tamién la calidá nel emplegu ye básica pa la solución a les llistes d'espera, porque los profesionales son una pilastra básica “si queremos ameyorar”.
“Tenemos un ampliu nivel de coincidencia con Podemos con estes midíes de futuru”, dixo la diputada d'IX, quien espera que'l dictame sía aprobáu'l próximu 13 de setiembre y depués alzáu a plenu col consensu anunciáu esta mañana.
Esti dictame establez dos bloques de responsabilidaes al respective de les llistes d'espera. El primeru d'ellos refierse al periodu de xunu de 2014 a ochobre de 2015 nel que nun se publicaren les llistes d'espera pa consultes y pruebes diagnósticas. El Conseyeru Faustino Blanco y el xerente del Sespa, Tácito Suárez, son, a xuiciu de los diputaos los máximos responsables políticos de nun publicar “unos datos que nun yeren favorables al Gobiernu y non por motivos técnicos como argumentaron”, rellata'l dictame. El segundu d'ellos fai referencia a l'ausencia actual de datos referíos a les entraes en rexistru, los tiempos d'espera real o espera media de los pacientes atendíos nun periodu de les llistes de consultes y procedimientos diagnósticos y terapéuticos, nin la demoranza media prospectiva. La responsabilidá, nesti casu, de “los incumplimientos ya irregularidaes en materia de tresparencia” ye del actual Conseyeru Francisco del bustu y del xerente del Sespa, José Ramón Riera, añedida a la de la incorrecta xestión de les derivaciones quirúrxiques que nel casu de refugos, podría llevar a la perda de la prioridá na llista.
A xuiciu de Marta Pulgar les responsabilidaes polítiques al respective de periodos anteriores onde nun se publicar les llistes d'espera y les de los actuales nun son equiparables, porque “nel últimu casu tratase d'una responsabilidá d'esixencia y allugamientu a que'l Gobiernu ruempa la inercia y la inacción pa solucionar los problemes de llista d'espera y de meyora de la calidá de la sanidá”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies