Denuncia la xestión inercial de la Conseyería y reclama que cumpla col mandatu parlamentariu pa tener una estratexa a final d'añu
Gaspar Llamazares, voceru parlamentariu d'IX na Xunta Xeneral, denunció esta mañana la inesistencia tantu n'Asturies como nel conxuntu del país d'un Plan de Salú Mental, lo que al so xuiciu demuestra qu'esta área nun ye una prioridá para nengunu de los dos gobiernos. Nel ámbitu estatal la Estratexa de Salú Mental tendría de tar aprobada nel añu pasáu y n'Asturies el Plan de Salú Mental 2015-2020 y nesti momentu, a metá de vixencia, nun ta aprobáu y foi refugáu pol Parlamentu. Amás, alvirtió Llamazares que la xestión n'Asturies ye inercial, continuista y cansina y l'executivu asturianu caltiense al marxe del mandatu de la Xunta Xeneral, qu'anguaño nun va tar redactáu so los criterios d'orientación que-y dio'l parlamentu asturianu. “Vamos Aldericar el Plan cuando pasara un quinqueniu ensin Plan de Salú Mental, los profesionales tán trabayando en vacíu”, aseguró'l voceru d'IX dempués d'axuntase cola asociación de pacientes Hierbabuena.
Llamazares resumiolo al asegurar que'l gobiernu de Javier Fernández nun se toma en serio la salú mental y nun va tener ellaboráu'l plan en 2017 y que la salú mental tien de xugar un papel prioritariu nes polítiques de salú nun momentu de crisis económica, social, y hasta anímica.
Llamazares llamentó la perda d'impulsu del Gobiernu autonómicu que xugó un papel de vanguardia en salú mental comuñal nel so momentu y esplicó el deterioru que carez tantu l'atención de base como la rehabilitación de los que tienen un trestornu mental severu, que ye l'asuntu más importante.
IX encamienta al Gobiernu a cumplir cola Xunta Xeneral, actualice la memoria, la epidemioloxía y entaíne la participación pa un plan lo más consensuao posible y dientro de plazu.
Marta Pulgar, diputada d'IX, que tamién participó na rueda de prensa y na xunta, esplicó que les prioridaes que comparten IX y l'asociación sectorial. Ente elles atópense encetar los protocolos d'usu de contenciones mecániques y la formación específica pa los profesionales; l'espardimientu de la Carta de Derechos del paciente; la denuncia de la perspectiva descomanadamente farmacolóxica nel abordaxe de la enfermedá mental, utilizando pa evitalo la formación de profesionales y la composición d'equipos multidisciplinares pal so enfoque rehabilitador. IX tamién coincide en que nun s'enmarque la salú mental nuna cuestión sanitaria, sinón con un enfoque social qu'incluya l'accesu a la vivienda o al mercáu de trabayu, por casu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies