Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

24/08/2017

IX celebra que la so esixencia y tenacidá escluyan la incineradora como métodu de xestión de borrafes

Ramón Argüelles reconoz que ye una bona noticia pa los asturianos que nun van ver comprometíu'l so futuru ambiental con una alternativa tan dañible

La tenacidá, el compromisu y la esixencia d'IX dexen refugar la incineradora como alternativa de xestión de borrafes. Asina lo espresaron esta mañana'l coordinador xeneral d'IX d'Asturies, Ramón Argüelles, el voceru parlamentariu de la coalición Gaspar Llamazares, y la secretaria de política municipal, Gabriela Álvarez minutos primero que'l Conseyeru d'Infraestructures, Ordenación del Territoriu y Medio Ambiente, Fernando Lastra ufiertara una rueda de prensa pa presentar el nuevu Plan de Borrafes del Principáu 2017-2024. Los trés representantes d'IX, que güei realizaben una nueva propuesta sobro corrupción y rexeneración democrática, yá unviada a Podemos, felicitarbase por esta noticia, qu'en palabres d'Argüelles ye una bona noticia pa IX y pa los asturianos que nun van ver comprometíu'l so futuru ambiental con una alternativa tan dañible como la incineradora.

El coordinador d'IX señaló que güei la incineradora nun ye una alternativa y eso faise gracies a la tenacidá y la insistencia d'IX y al alcuerdu de investidura –del que nun se cumplió casi nada- que nun incluyía esti métodu pa xestionar les borrafes. Na mesma llínea, Gaspar Llamazares aseguró que con esta noticia demuéstrase que'l compromisu y la esixencia son útiles”, cuidando que'l Gobiernu esclúi la incineración como fórmula de xestión de borrafes “lo que constitúi un trunfu de la sociedá asturiana y del movimientu ecoloxista, por tantu de la llucha d'IX. Al so xuiciu, escluyir la incineración significa apostar por una xestión de borrafes sostenible, con amenorgamientu, reciclaxe, con meyor xestión y cola inclusión de les borrafes nel ciclu económicu. “Ye un xalón bien importante na llucha por una sociedá más sostenible, ye una llucha que vien de dos llexislatures. La incineradora pasa a la hestoria y queda fuera del plan de borrafes”, dixo'l voceru parlamentariu d'IX.

Volver

Compartir

2014 Izquierda Xunida d'Asturies - Política de privacidad - Política de cookies