Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

07/11/2017

IX empecipia la campaña contra la precariedá y plantega potenciar la industria como vía para ameyorar la calidá del emplegu

La falta d'una recuperación pa toles capes de la sociedá, la situación d'empeoramientu de les polítiques de protección o contratos llaborales de tan baxa calidá como pa nun ser abondo para salir de la probeza xustifiquen la campaña contra la precariedá que güei presentaron el coordinador xeneral d’IX Asturies, Ramón Argüelles, el secretariu d'Acción Política, Juan Ponte, y les secretaries de Política Municipal, Gabriela Álvarez, y de Movimientos Sociales, Mayka Barros.

Les prioridaes, esplicó Argüelles, tienen qu'incluyir la recuperación del sector industrial, que la so capacidá de xeneración d'emplegos más estables y meyor pagos ye cimeru a otros. Al pie d’ello, el máximu responsable d’IX Asturies apostó por unos presupuestos d'izquierda, con capacidá pa dar respuesta a les faltes de la población en situación de mayor vulnerabilidá.

Frente al aumentu de la probeza y la esclusión, que llegó cola crisis y que persiste, a pesar de la recuperación, ye necesariu un xiru nes polítiques autonómiques y europees. La situación de precariedá afecta a toles capes de la población y edaes. Ello ye que recordó Ponte, España ye'l tercer país de la Unión Europea en probeza infantil y les previsiones nun paecen falagueres, al caltenese los retayos. “Unu de los principales que tenemos d'encarar ye'l de la precariedá, tantu a nivel llaboral como social que vive la mayoría social, la clase trabayadora”. Con esti fin, IX empecipió un procesu de trabayu con otros axentes sociales y dientro de la mesma organización para percanciar la máxima información, dende una perspectiva holística, teniendo en cuenta factores de precariedá llaboral, medioambiental, social, o igualitaria.

Mayka Folles señaló l'amplitú d'esta campaña que, aprofió, “nun ye puntual” y ta pegada a la movilización social”. L'oxetivu ye agora vertebrar “el trabayu colectivu” para contribuyir nel diseñu d'una axenda de movilizaciones en solitariu o con otros axentes sociales. La campaña, sol títulu “que nun nos xinguen la vida” nun toma tan solo los sectores depauperados, sinón aquellos otros que paecíen aguantar. Asina, ejemplificó Folles, hai movilizaciones casi a diariu de trabayadores como los de Montrasa, Arcelor, Central Llechera que, al so xuiciu, supon la constatación de la precarización de colectivos consolidaos.

La secretaria de Política Municipal, Gabriela Álvarez, enfatizó la necesidá de tener un diagnósticu oldeáu de la realidá d'Asturies. “Somos una fuerza d'una importancia municipal grande. Tamos con representación en 48 conceyos, tenemos 9 alcaldíes y 5 cogobiernos, y eso ye lo que nos fai tar más barganal de la realidá”.

Gabriela Álvarez señaló amás que l'analís tien de dexar el desenvolvimientu futuru de propuestes que puedan materializase n'iniciatives polítiques que contribuyan “a la meyora de la calidá de vida de los nuesos ciudadanos”.

Volver

Compartir

2014 Izquierda Xunida d'Asturies - Política de privacidad - Política de cookies