Menu

Argüelles y Pulgar sofitaron les reivindicaciones de les emplegaes pa percibir la paga extra suprimida en 2012

IX reclama la mediación de Gispasa para resolver los impagos de Lacera a trabayadores de la llimpieza del HUCA. Asina lo manifestaron esta mañana'l Coordinador Xeneral d'IX d'Asturies, Ramón Argüelles, y la diputada Marta Pulgar, tres una xunta esta mañana colos representantes del comité d'empresa de Lacera nel HUCA, empresa que-y debe la metá de la paga extra al personal fixu y entero a eventuales y xubilaes. Estes cantidaes van dende los 500 euros a los 1.022 euros per persona en cumplimientu de les sentencies que reconoz el derechu a percibir la paga extra suprimida en 2012 y, a la que teníen derechu al igual que los funcionarios al tar oldeaes, que yá la recibieron íntegra. En total podríen tar afectaes 400 persones.

Marta Pulgar, diputada d'IX responsable de los asuntos de Sanidá, considera qu'esiste una responsabilidá clara de l'alministración que contrata, el Sespa, al traviés de Gispasa y tien d'haber una intermediación política clara pa mediar nel conflictu. Al so xuiciu son delles les razones. Per un sitiu esiste una razón social evidente y clara de respetu a dereches del personal y tamién otra razón d'interés xeneral, porque'l serviciu de llimpieza n'hospitales inflúi bien directamente na calidá del serviciu que se da. “Si'l conflictu perpetúase o llega a movilizaciones más amplies hasta llegar a la fuelga, los usuarios van vese afectaos”, alvirtió la diputada d'IX, quien recordó les consecuencies d'otros conflictos nel sector de la llimpieza hospitalaria.

La diputada d'IX cree que ye necesario, polo xeneral, denunciar la progresiva precarización de la que se ta abusando nes subcontrates de les empreses. “Per un sitiu privatízase servicios que yeren públicos y por otru consiéntese qu'estes subcontrates nun respeten los derechos del personal”, denunció. Nel casu concretu de Lacera había una equiparación en derechos retributivos y nesti procesu afondase na precarización porque consiéntese que nun s'abone'l salariu que deben, dixo Pulgar.

Marta Pulgar espera la respuesta del Gobiernu a les entrugues que yá formuló a finales del mes pasáu sobre la situación del personal. La diputada ta esperando que'l Gobiernu respuenda a si conoz el conflictu, qué ye lo que ta faciendo'l Gobiernu y si estudió esa responsabilidá subsidiaria de Gispasa o del Sespa nel abonu d'eses cantidaes. “Encamentamos al Gobiernu que si ye Gobiernu que se diz d'izquierdes tien la obligación moral d'axustar y tamién, nesti casu la llegal por que se abonen les cantidaes que se deben”, dixo Pulgar en compañía de la presidenta del comité d'empresa de Llacera nel HUCA, Rocío Fernández Montes.

La presidenta del comité recordó que la empresa abonó la metá de la paga extra a el trabayadores fixes, pero non a les eventuales nin les xubilaes nos últimos años y agora “da la callada por respuesta” dempués d'una xunta aplazada sine die. Tamién espresó la voluntá de diálogu del comité que, sicasí, va caltener el calendariu de movilizaciones ensin refugar nenguna posibilidá, hasta llegar a la convocatoria de fuelga.

Ramón Argüelles, emplaza a la empatía a la empresa Llacera para solucionar el problema y a que faigan casu a el trabayadores yá que se trata d'una situación non sostenible qu'obligaría a les emplegaes a presentar demandes individuales, una cuestión difícil de llevar a cabu dáu'l mieu a que nun les vuelvan a contratar.