Concha Masa apela al diálogu ente l'Alministración, el Rectoráu y los distintos axentes pa retomar el procesu
El grupu parlamentariu d'IX na Xunta Xeneral rexistra una entruga al Conseyeru d'Educación y Cultura sobro les razones qu'alieguen dende la Dirección Xeneral d'Universidaes pa refugar la implantación del Grau d'Inxeniería d'Organización Industrial na Universidá d'Uviéu, concretamente nel campus de Xixón.
La diputada d'IX, Concha Masa, responsable de los asuntos d'educación nel grupu parlamentariu, apela al diálogu ente la Conseyería d'Educación y el Rectoráu de la Universidá d'Uviéu y los distintos axentes arreyaos pa retomar el procesu y llegar a un consensu sobro l'enfoque más afayadizu y esti preséu pa los futuros inxenieros asturianos.
Masa sostien que la información cola que cunta sol procesu siguíu pala propuesta d'implantación indica qu'hai consensu nel ámbitu universitariu de la EPI y que llogró comentarios favorables tamién per parte de dellos empresarios asturianos. Sicasí, cree que'l discutiniu qu'esti Grau nuevu amenó nel senu del Conseyu Social pue ser debida a la precipitación y la escasa argumentación cola que la propuesta foi presentada a los miembros del Conseyu Social.
Estos defectos de forma, a xuiciu de la parllamentaria podríen resultar iguaos si se xustifica afayadizamente la conveniencia d'una nueva titulación d'estes característiques nel marcu d'un analís completu de los diversos estudios d'Inxeniería na nuesa Universidá.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies