Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

12/01/2018

Llamazares reclama copia de los estudios previos ya informes sobro la viabilidá y evaluación de la factura en solombra na sanidá asturiana

El voceru d'IX alvierte de que les comunidaes que punxeron en marcha l'esperimentu tienenlu abandonáu. Considera que quien decide sobro'l gastu nun ye'l paciente sinón los clínicos y l'alministración

Gaspar Llamazares, voceru parlamentariu d'IX na Xunta Xeneral, reclama al Gobiernu del Principáu copia de tolos estudios previos ya informes, que fueren ellaboraos pola Alministración o cualesquier de los sos organismos o empreses o que fueren encargaos a cualesquier otru ente o empresa pública o privada o de los que disponga por cualesquier otra circunstancia en relación cola necesidá, viabilidá y evaluación d'efectividá de la implantación de la factura en solombra na sanidá asturiana.

El diputáu d'IX, en busca de datos que respuendan por esti anunciu del Principáu, recuerda que la factura na solombra ponse en marcha en redol al añu 2010 y della nunca más se supo nes comunidaes autónomes que l’anunciaron. Alvierte de que les comunidaes qu'empezaron dalgún “esperimentu” d'esti tipu tienenlu abandonáu, la postrera, la comunidá de Madrid, dempués de gastar 250.000 d'una aplicación informática pa enllantala. Tamién recuerda que’l mesmu Gobiernu asturianu sostuvo en 2010 que nun la pondría en práctica yá que yera mayor el so costu que’l so beneficiu cuidando que significaba poner en marcha una aplicación informática y el beneficiu nun esistía, “porque en realidá quien decide sobro'l gastu sanitariu nun son los pacientes sinón los clínicos y la mesma alministración sanitaria”. ¿Qué camudó?, pregúntase Llamazares. El voceru d'IX refuga qu'esa factura na solombra vaiga xunida a una visión coactiva de l'alministración sanitaria esto ye el primer pasu pa futuros copagos sanitarios.

El diputáu d'IX acompaña esti pidimientu de documentación con una batería d'entrugues. Llamazares dempués de saber la presunta viabilidá de la midida esquiza que, si asina fora'l casu, cuándo tien previstu compartilo col restu de los grupos parlamentarios, les entidaes ciudadanes de defensa de la sanidá pública, organizaciones sindicales, vecinales, colectivos de pacientes, medios de comunicación y la sociedá asturiana.

El diputáu d'IX pregunta al executivu asturianu cuál ye'l nivel de puesta en marcha de la contabilidá analítica y pa cuándo la so estensión al conxuntu de la sanidá asturiana, qué oxetivos pretenden algamar cola implantación de facturar solombra, en qué evidencies sobro la so efectividá basa la mentada midida, qué costu tien la implantación xeneralizada de la midida; qué relación coste efectividá tien facturar na solombra, qué procesu de diálogu y negociación, con qué organizaciones, qué nivel de consensu rique la midida; qué calendariu tien el gobiernu pal so entamu y desenvolvimientu, en qué dispositivos se dirá poniendo en marcha dicha factura, qué midíes piensa adoptar el gobiernu pa garantizar la confidencialidad de los datos personal de facturar solombra; cómo piensa evitar el gobiernu la disuasión, selección o la coacción al paciente, tresformáu en veceru, de resultes de facturar na solombra,

cómo piensa evitar el gobiernu que la factura na solombra conviértase n'información asimétrica a los competidores de los seguros y la sanidá privada, cómo piensa dar utilidá pedagóxica a factures solombra cuando la mayor parte de les decisiones clíniques nun dependen del paciente nin del costu de los procedimientos practicaos, habida cunta la esclusión de determinaos colectivos de l'atención primaria a raigañu del RD 16/2012 cómo piensa evitar que la mentada factura solombra abra la puerta al copago sanitariu.

A esta demanda xune'l diputáu d'IX xuna entruga al Conseyu de Gobiernu sobre pa qué servicios públicos, amás del sanitariu, baltes como educación, servicios sociales, xusticia, etc, tien previstu'l Conseyu de Gobiernu la puesta en marcha de la factura na solombra o de cualesquier otru preséu que cumpla supuestamente los mesmos oxetivos.

Volver

Compartir

2014 Izquierda Xunida d'Asturies - Política de privacidad - Política de cookies