Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

08/02/2018

Zapico reclama impulsu, tranquilu pero ensin posa, pala área metropolitana central d'Asturies

El diputáu d'IX considera que nesta llexislatura tien d'establecese'l modelu de gobernanza na próxima la llei que la regule

Ovidio Zapico, diputáu d'IX na Xunta Xeneral, demandó esta mañana al Conseyeru d'Infraestructures, Ordenación del Territoriu y Mediu Ambiente, l'impulsu, de forma tranquila, pero ensin posa, de l’área metropolitana d'Asturies y la necesidá d'establecer un modelu de gobernanza nos meses que queden de llexislatura, pa yá, na siguiente, afiguralo nuna llei. Asina lo manifestó esta mañana Zapico na interpelación al Conseyeru Fernando Lastra. Na mesma tamién afitó otres cuestiones importantes pa IX, formación qu'apuesta dende siempres pola creación d'esti modelu pal centru d'Asturies que, tien de ser el corazón qu'ufierte enerxía al restu de la comunidá.

A xuiciu del diputáu d'IX, queden meses abondos pa consensuar el modelu de gobernanza nesta llexislatura y tamién pa, a xuiciu d'IX, crecer n'estensión territorial, reforzando a los seis grandes conceyos iniciales y dando cabida a otros conceyos dende la base de la voluntariedá y accesibilidá. “Los conceyos tienen que vese seducíos, ver que ye útil pa ellos y pa los ciudadanos”, alvirtió Zapico . Pal diputáu d'IX – que saludó la xunta y l'alcuerdu recién de los seis grandes conceyos- tamién alvirtió de que ye necesario empezar por coses concretes, “qué meyor qu'empezar pel área de movilidá”, exemplificó. De la mesma manera, encamentó al executivu autonómicu a falar de forma conxunta otros asuntos p’aprovechar aspeutos culturales y turísticos, falar del ciclu integral de l'agua para terminar con privatizaciones y corrupteles; desenvolver suelu y desenvolver el comerciu, nuna comunidá col mayor númberu de grandes superficies por habitante, y el problema de la contaminación, o pa falar d'una universidá asturiana integrada.

Zapico encamentó tamién al Gobiernu asturianu a esplicar cómo piensa llograr fondos al traviés del Programa 2020 de la Unión Europea y recordó el sofitu d'IX porque “sabemos que una rexón periférica pue recuperar espacios de centralidad, non solo física, sinón cultural o medioambiental” y la UE apuesta nos próximos años por esti aspeutu. “Creemos y queremos qu'hai qu'optimizar recursos para lliberar inversiones pa conceyos periféricos. L’área central tien de ser el corazón y los pulmones que bombien sangre a los conceyos periféricos”, aseguró nel estráu'l diputáu d'IX. La coalición espera'l sofitu del restu de los grupos na moción subsiguiente a la interpelación que va realizar palos próximos plenos y el diputáu amosóse abiertu a llograr el mayor consensu políticu posible porque social y académicu yá esiste. “Hai que treslladar a la política la unanimidá social. Dar pasos pequenos dende diálogu sinceru y la crítica constructiva”, concluyó.

Pela so parte, Fernando Lastra reconoció que nestos momentos traviesa xuna situación de cierta precariedá por falta de sintonía política, dixo refiriéndose principalmente a los partíos de la derecha. “Ye un proyectu cooperativu sofitáu na unidá que tien de ser impulsáu pol conxuntu de les fuerces polítiques porque'l consensu social, económicu y académicu yá esiste”, dixo, dempués d'estimar el sofitu inicial qu'ufiertó IX, tanto dende los sos programes electorales como nel alcuerdu de investidura de Javier Fernández en 2015.

Volver

Compartir

2014 Izquierda Xunida d'Asturies - Política de privacidad - Política de cookies