El diputáu recuerda que PP y Foro tienen responsabilidaes clares nel atrasu autonómicu al igual que'l PSOE que nun fixo lo suficiente cuando gobernó n'España
El diputáu d'Izquierda Xunida y responsable d'infraestructures, Ovidio Zapico, apostó güei por esaniciar el peaxe del Güerna, como vía indispensable para acabar les torgues a la movilidá. “Lliberemos l’accesu a la mesta porque tenemos Asturies secuestrada pola derecha tantu por ferrocarril como per carretera”, reivindicó.
El parllamentariu recordó que foi la derecha, con Francisco Alvarez-Cascos como Ministru de Fomentu y entá nel Partíu Popular, quien amplió la concesión del Güerna en casi trés décades más de lo primeramente previsto, hasta l'añu 2050. La intervención de Cascos na ampliación a la concesionaria del períodu de xestión, supon a xuiciu de Zapico, una responsabilidá clara tamién de Foro, por culpa de que foi so fundador quien torgó que l'autopista quedara llibre dientro de trés años.
Zapico tamién críticó la xestión del Partíu Socialista nes sos etapes nel Gobiernu d'España nes que, reprochó, nun fixo lo suficiente pa sacar Asturies del aislamientu secular. “Unos y otros enzancaron les comunicaciones ente Asturies y la meseta y encarecieron el viaxe”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies