IX reclama al Executivu sentíu común y política pa resolver un asuntu que lleva demasiáu tiempu ensin resolvese
La Xunta Xeneral aprobó esta mañana una moción d'IX na que reclama al Gobiernu asturianu qu'estableza midíes p’arreglar los problemes de los programes públicos d'emplegu social ya insertamientu llaboral de los colectivos con más dificultaes d'empleabilidá, estableciendo fórmules de collaboración colos conceyos y meses de trabayu pa reformular les convocatories y que, entidaes locales y ciudadanos, nun se vean perxudicaos. La iniciativa, votada por puntos, llogró'l sofitu nos cinco primeros apartaos de tolos grupos, sacante l'astención de Ciudadanos, y nel puntu númberu 6 que refugó'l PSOE. Ovidio Zapico, diputáu d'IX, que defendió la iniciativa, reclamó al executivu de Javier Fernández que más allá de planteamientos técnicos aplique la manzorga, sentíu común y munches dosis de política pa resolver la problemática que lleva más tiempu de lo necesario, produz problemes enormes a los conceyos y a los colectivos que nun llogren aportar al mundu llaboral; mozos, mayores de 45 años, families monoparentales…. “Ellos son los grandes perxudicaos de que dende'l Gobiernu rexonal nun se llogre desenvolver polítiques actives d'emplegu que nun sían un problema para los conceyos”, alvirtió.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies