La diputada d'IX considera que la violencia ye un problema bien urxente que precisa de midíes decidíes
Concha Masa, diputada d'IX na Xunta Xeneral, va solicitar al Executivu Asturianu la revisión del Pactu Contra la Violencia sobro les Muyeres coles mires de revitalizalu. Al so xuiciu, un pactu tien de ser vivu, eficaz y afechu a les circunstancies temporales. “La violencia contra les muyeres ye un problema bien urxente y precisa de midíes decidíes”, esplicó la diputada d'IX, de la que recordó qu'esti ampliu alcuerdu social y políticu foi robláu hai alredor d'añu y mediu. L'oxetivu d'IX ten de ser que la evaluación del pactu lleve a intensificar aquelles midíes que se consideren más eficaces, afaer o modificar les que lo sían menos, y poner en práctica actuaciones qu'entá nun fueron llevaes a la práctica. Ente estes postreres, la diputada d'IX señaló l'acondicionamientu de los xulgaos asturianos por que les víctimes puedan declarar ensin tener que ver al so agresor o que se ponga en marcha la unidá de valoración forense integral. “Dambes riquen de voluntá política y de presupuestu”, aseguró Masa.
Proposición Non de Llei que se va aldericar esti vienres nel plenu esixe tamién dotación presupuestaria pa llevar a cabu estes midíes de forma afayadiza, y la eliminación de la publicidá discriminatorio o denigrante de les muyeres, prohibiéndola directamente en soportes, publicaciones o tresportes públicos. “Ye relevante porque la publicidá va calando sobro amplios sectores, sobremanera aquellos que tienen menos recursos críticos, y sobro mozos”, esplicó la diputada. De forma subliminal esta publicidá sexista puede influyir na violencia sexista o na esistencia de roles sexistes que dempués son bien difíciles de erradicar, incidió Masa na rueda de prensa de la Xunta Xeneral.
La educación ye clave, a xuiciu de la diputada. D'equínesti pidimientu qu'inclúi la iniciativa d'impulsar actividaes escolares específiques, en Primaria y Secundaria. Eses edaes tienen de ser focu d'atención y combate del sexismu, concluyó.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies