La diputada d'IX alvierte de rebaxar presupuestaria y de la ‘renacionalización’ de les ayudes
María José Miranda amosó la esmolición peles nueves llínees maestres de la política agraria común que s'esbozara nel documentu de la Comisión Europea'l 29 de payares de 2017 titulada “El futuru de l'alimentación y l'agricultura. Comunicación sobro la Política Agraria Común dempués de 2020” y preguntó’l paecer del Gobiernu asturianu a esti respectu. IX, que demanda analizar esti testu, xuntu al futuru de les finances de la UE, considera que pon en riesgu los ingresos pa l'alimentación y l'agricultura, yá que destinaría un 30% menos, y plantega la ‘renacionalización’ de les ayudes, esto ye, que cada estáu cofinancie na midida “de les sos posibilidaes o intereses” les polítiques d'esti campu. A xuiciu de Miranda esta última midida supondría desequilibrios ente estaos y competencia ente llabradores.
Nesti esbozu, según Miranda siguen ensin mentar la desigualdá nel nivel de los pagos directos, que nun ye otru que'l caltenimientu de les referencies históriques d'ayudes per hectárea pa caltener l’estatus quo, que ye especialmente sangrante n'España.
Miranda reconoció que ye ciertu que'l documentu reflexa prioridaes, votaes en consulta popular, y fai autocrítica en trés exes: l'incumplimientu de la ecologización, la complexidá de l'aplicación y el fracasu nel oxetivu de reequilibrar los pagos directos que reciben el llabradores, y falta, a xuiciu d'IX, l'autocrítica a les midíes eficaces de regulación de los precios.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies