El modelu que defende IX al traviés d'esta moción subsiguiente recueye la defensa de los trabayadores afectaos, el papel del carbón dientro del mix enerxéticu y la inclusión d'Asturies dientro de los proyectos pilotos de la UE
El Parlamentu asturianu refuga la descarbonización express y el zarru de les térmiques en 2025; manifiesta'l sofitu a los trabayadores de los sectores afectaos y les reivindicaciones sindicales na defensa del papel imprescindible del carbón dientro del mix enerxéticu; reclama una tarifa eléctrica que dexe'l desenvolvimientu d'una industria electro intensiva y una alianza política y ciudadana n'Asturies y la so coordinación con otros territorios afectaos pala defensa d'una transición enerxética; amás de l'alianza n'Europa de les rexones carboneres, el pidimientu d'inclusión d'Asturies dientro de los proyectos pilotos de la UE nes rexones del Carbón, y l'encargu a la Fundación Asturiana de la Enerxía de la ellaboración d'un documentu nel que s'estableza la estratexa enerxética p'Asturies pa los próximos años. Esti foi'l modelu plantegáu por Izquierda Xunida y el que llogró'l sofitu bien mayoritariu de los partíos, a los qu'añedió dos enmiendes de Foro Asturies refugando'l zarru de la central térmica de Lada, promoviendo aliances pa diseñar y dotar de preseos financieros que dexen a les térmiques de carbón instalar la tecnoloxía necesaria p'algamar l'oxetivu de cero emisiones y la esixencia d'un nuevu Plan de la Minería qu'abra posibilidaes reales de continuidá de l'actividá extractiva y mecanismos estables de consumu de carbón autóctono nes centrales térmiques.
La coalición tamién aceptó una enmienda redactada pol grupu Podemos pa esixir un documentu de compromisu col emplegu, anque los sos diputaos abstuviéranse nel refugu a una transición enerxética col modelu actual y les pretensiones de cerrar toles térmiques en 2025, el sofitu al carbón dientro del mix enerxéticu estatal y el sofitu a trabayadores y representantes sindicales, votaron en contra encargar un estudiu a la Fundación Asturiana de la Enerxía y del refugu de zarru a la central térmica de Lada y la busca de tecnoloxía pa rebaxar emisiones y la firma d'un nuevu Plan de la Minería del Carbón.
Ovidio Zapico, diputáu d'IX, quien defendió la iniciativa, recordó que la transición enerxética nunca pue significar rotura, porque supondría desempléu, concretamente taríen en peligru 1.200 empleos directos, y tamién apeligraría l'actual desenvolvimientu tecnolóxicu porque les anovables nun garanticen lo que ye güei el suministru. Zapico tamién encamentó al Gobiernu del Principáu a axuntase coles 32 empreses que presentaron un manifiestu pola descarbonización express apocayá pa esplica-yos los graves daños que produciría n'Asturies la so propuesta. “Estes empreses tienen que virar d'aldu, porque, sinón, de xuru los asturianos tengamos qu'escoyer a otres compañíes qu'ufierten productos similares y que responsan a les necesidaes colectives d'Asturies”, alvirtió.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies