El coordinador xeneral d'IX, Ramón Argüelles, y la vocera de la formación en Cangas del Narcea, y primer teniente d'alcalde, Laura Álvarez, apostaron güei pol mediu rural como un elementu clave nel desenvolvimientu d'Asturies.
“El campu d'Asturies non solo ye una señal d'identidá, sinón qu'hai que siguir desenvolviéndolu y dar les condiciones por que la xente pueda siguir viviendo d'eso“, aprofió Argüelles, qu'esta mañana asistía a la XXXI edición del concursu puya d'asturiana de los valles de Cangas.
El máximu responsable d'IX d'Asturies afitó la necesidá de facilitar l'asistencia de los ganaderos nesti tipu d'eventos, al tratase d'espacios importantes pal desenvolvimientu de la so actividá. ”Tenemos un bon productu, l'asturiana de los Valles ye una gran carne, una bona vaca”, enfatizó Argüelles.
La ganadería, a xuiciu de Laura Alvarez, ye especialmente importante pa conceyos como'l de Cangas, y polo xeneral pa tol sur occidente asturianu. Nel casu concretu del concursu y puya, la conceyala señaló que tien un gran impactu pa la economía local, dada l'alta participación, anguaño con reses de 142 esplotaciones de toa España. “Amás de la cantidá de xente qu'atrai a Cangas, paeznos que ye una bona manera de potenciar la ganadería y el mundu rural”.
Laura Álvarez esplicó que'l mundu rural tien que ser un apueste como motor de desenvolvimientu: “sobremanera nuna zona como la de Cangas de Narcea y tol sur occidente asturianu. Creemos que la ganadería y el mediu rural pasen por ser el futuru de la nuesa contorna”.
Pela tarde, el Coordinador xeneral d'IX d'Asturies va allegar a otra de les cites importantes del mediu rural del sur occidente asturianu, cola visita a la 30ª edición de la feria d'amueses de Tinéu.
Na semeya, Carmen Riesco, Ramon Argüelles, Laura Álvarez y Raul Gayo.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
