La diputada d'IX, Concha Masa, y el coordinador d'Árees y secretariu d'Ellaboración, Programa y Participación, Javier Suárez Llana, van participar el próximu xueves, 17 de mayu, na concentración convocada por XEGA, n'Uviéu con motivu del Día Internacional contra la Homofobia, la bifobia y la Transfobia.
La fecha sirve pa conmemorar la eliminación de la homosexualidá de la llista d'enfermedaes mentales per parte de l'Asamblea Xeneral de la Organización Mundial de la Salú nel añu 1990.
Coles mires de denunciar la discriminación qu'entá sufren les persones homosexuales, lesbianes, trans y bisexuales, el movimientu LGTBI convoca a nivel internacional acciones reivindicatives pa esixir la meyora en derechos del colectivu en tol mundu.
Dada la importancia de la convocatoria y la necesidá de visibilizar al máximu la llucha pola igualdá real y el respetu de los derechos LGTBI, Suárez Llana fixo un llamamientu a la máxima participación na concentración que se va desenvolver n'Uviéu, a partir de les 19:30 hores frente al teatru Campoamor.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
