Menu

A xuiciu del voceru d'IX aceleraría la tramitación de l'alministración

Gaspar Llamazares, voceru parlamentariu d'IX na Xunta Xeneral, encamentó al Executivu asturianu a aprobar un pliegu de clauses alministratives xenerales para aplicar en tola alministración, empreses públiques y organismos del Principáu para ser más axilosos na aplicación de la nueva llei de contratos. A xuiciu del voceru d'IX esti modelu únicu de pliegos xenerales “aceleraría” y daría una mayor seguridá xurídica a los distintos axentes implicaos. Esti modelu, dixo, yá lo punxeron en marcha delles comunidaes y munchos grandes conceyos españoles.

Llamazares realizó esti pidimientu no que fai a unu entruga oral sobro qué midíes adoptó o piensa adoptar pa garantizar que la nueva lexislación en materia de contratación pública nun ralentice entá más la puesta en marcha de les inversiones previstes p'anguaño.

Llamazares amosó la so esmolición porque l'alministración asturiana tardara seis meses en preparar l'aplicación d'esta midida y en poner en marcha unes instrucciones y una guía pa l'alministración asturiana. “Queremos que se desenvuelvan los aspeutos políticos de la llei y de manera axilosa”, alvirtió'l diputáu d'IX, quien tamién espresó les sos duldes de que l'Institutu Adolfo Posada y la Sindicatura de Cuentes punxérense d'alcuerdu p'ameyorar la contratación pública.