Menu

El Voceru d'IX alvierte de qu'Asturies se xuega enforma porque la transición acelérase y cuerre el riesgu de ser rotura

Los grupos parlamentarios d'IX, Foro y PP na Xunta Xeneral soliciten la comparecencia del Presidente del Principáu pa encetar la transición enerxética primero que se produza la xunta de Javier Fernández col Presidente Pedro Sánchez. Énte les recién noticies en relación al futuru enerxéticu habíes nel ámbitu européu qu'amonten la esmolición pol futuru industrial y enerxéticu d'Asturies, el grupu d'IX, de forma conxunta colos otros dos partíos, solicitó la comparecencia del Presidente asturianu anque deseyara que fora a pidimientu propiu. Esa comparecencia ye necesaria p'afitar una posición previa a la xunta col Gobiernu central, cuidando que col nomamientu de la Ministra de Transición Ecolóxica la primer impresión yera d'esmolición y agora yá cola decisión tomada nel Parlamentu Européu na que se cuantifica el porcentaxe d'enerxíes, pero non se cuantifica aquello que se va a dedicar al impactu económicu y llaboral en relación a les enerxíes fósiles, ye más urxente, “porque xugamos enforma”, dixo Llamazares nos pasiellos de la Xunta Xeneral. Ye importante, dixo, afitar una posición común de la Cámara col Gobiernu y del conxuntu d'axentes sociales y de la sociedá asturiana pa defender la industria, la enerxía y los empleos. “Cuanto antes prodúzase, meyor”, esplicó'l voceru d'IX. “La transición acelérase y cuerre el peligru de convertise nuna rotura”, alvirtió Llamazares.